خطے میں عراق کے کلیدی کردار کا خیر مقدم کرتے ہیں، جواد ظریف
شیعیت نیوز: ایرانی وزیر خارجہ نے عراقی عہدیداروں اور شخصیات کے ساتھ اپنی ملاقاتوں اور بات چیت کا حوالہ دیتے ہوئے کہا ہے کہ ہم خطے میں عراق کے کلیدی کردار کا خیر مقدم کرتے ہیں۔
رپورٹ کے مطابق، ایران کے وزیر خارجہ محمد جواد ظریف نے ، پیر کی شام بغداد میں عراقی صدر برہم صالح سے ملاقات کی جس میں علاقائی سلامتی کی صورتحال کے علاوہ دونوں ملکوں کے درمیان روابط کے فروغ پر تبادلہ خیال کیا گیا۔
انہوں نے کہا کہ ہم خطے میں عراق کے بنیادی کردار کا خیر مقدم کرتے ہیں۔
دوسری جانب ایران کے وزیر خارجہ نے پیر کی شام بغداد میں عراق کے وزیر اعظم سے ملاقات کی جس میں ملکوں کے درمیان روابط کے فروغ پر تبادلہ خیال کیا گیا۔
فارس خبر رساں ایجنسی ک رپورٹ کے مطابق ایران کے وزیر خارجہ محمد جواد ظریف نے پیر کی شام بغداد میں عراق کے وزیراعظم مصطفی الکاظمی سے ملاقات کی۔
ہونے والی ملاقات میں ایران کے وزیر خارجہ نے دونوں ملکوں کے قریبی تعلقات اور ایران سے متعلق علاقائی مسائل کا جائزہ لیا اور ایران اور چار جمع ایک گروپ کے مابین ہونے والے جوہری مذاکرات کی تازہ ترین صورتحال پر تبادلہ خیال کیا۔
یہ بھی پڑھیں : سپاہ پاسداران انقلاب اسلامی کے کمانڈر کا اسرائیل کو سخت ترین انتباہ
محمد جواد ظریف نے عراق کی جانب سے جوہری معاہدے، اور یکطرفہ اور ظالمانہ پابندیوں کے خاتمے کے حوالے سے عراق کی حمایت پر بغداد کی قدردانی کی ۔
اس ملاقات میں عراق کے وزیر اعظم نے کہا کہ ایران نہ فقط عراق کا ہمسایہ ملک ہے بلکہ عراق کا اسٹریٹیجک شریک بھی ہے۔ انہوں نے داعش کے خلاف جنگ میں ایران کی حمایت کی قدردانی کرتے ہوئے کہا کہ ہم اسے ہرگز فراموش نہیں کرسکتے۔
اس سے پہلے ایران کے وزیر خارجہ محمد جواد ظریف نے اپنے عراقی ہم منصب فواد حسین سے ملاقات اور مشترکہ پریس کانفرنس سے خطاب کیا تھا۔
واضح رہے کہ ایران کے وزیر خارجہ محمدجواد ظریف پیر کے روز قطر کا دورہ مکمل کرکے ایک اعلی سطحی وفد کے ہمراہ عراق پہنچے ہیں۔
وہ بغداد میں اپنے دو روزہ قیام کے دوران ، دیگر اعلی عراقی حکام سے ملاقات اور عراقی کردستان ریجن کا بھی دورہ کریں گے۔
