شہادت دختر رسول ؐ حضرت فاطمہ زہراؑ ، دنیا بھرکی طرح پاکستان میں بھی عزاداری کا انعقاد جاری
مقررین نےکہاکہ عصرحاضر میں مغربی ثقافتی یلغار کے مقابل سیرت حضرت فاطمہ زہراؑ کی پیروی کے ذریعے ہم اپنے مسلم معاشرے کو بےراہ روی اور فساد سے بچا سکتے ہیں
شیعیت نیوز: دختر رسول خداؐ ، شہزادی کونین حضرت فاطمہ زہراسلام اللہ علیہا کی شہادت پرسوز ایام کی مناسبت سے دنیا بھر کی طرح پاکستان بھرمیں بھی عزاداری اور مجالس کا سلسلہ عقیدت واحترام کے ساتھ جاری ہے ۔ کراچی، لاہور ، اسلام آباد، پشاور، گلگت ، سکردو، کوئٹہ سمیت ملک کے تمام چھوٹے بڑے شہروں میں مجالس عزا کا انعقاد کیا جارہاہے ۔
ہر گزرتے برس ایام شہادت حضرت فاطمہ ؑ کے موقع پر عزاداری کے اجتماعات میں اضافہ ہی دیکھا جارہا ہے، شیعیان حیدر کرار ؑ ایام شہادت حضرت فاطمہؑ کو ایام شہادت امام حسین ؑ و عاشورا کی طرح مذہبی جوش وجذبے کے ساتھ منارہے ہیں ۔ہر گلی ہر کوچہ اور ہر مسجد وامام بارگاہ اور ہر عزادار سیاہ پوش ہے۔مختلف مقامات پر شہادت دختر رسولؐ کی منظر کشی بھی کی گئی ہے ۔
یہ بھی پڑھیں: فرقہ واریت کی سازش کو ناکام بنانے کیلئے مندر، مسجد، امام بارگاہ اور چرچ کا کردار اہم ہوگا، پیرنورالحق
مجالس عزا میں خطباء اور ذاکرین جناب سیدۃ النساءالعالمین ؑ کی دفاع ولایت کیلئے عظیم جدوجہد اور قربانی کا ذکر کررہے ہیں ، مقررین نے کہاکہ جناب سیدہ ؑ اولین مدافع اور شہیدۂ راہ ولایت ہیں،جنہوں نے تحفظ ِ ولایت کی خاطر اپنی جان اس الہیٰ راستے میں فدا کی۔
یہ بھی پڑھیں: سیدۃ النساء العالمین کی ذات مقدسہ چودہ سو سالوں سے معیار حق وصداقت ہے،علامہ راجہ ناصرعباس
مقررین نےکہاکہ عصرحاضر میں مغربی ثقافتی یلغار کے مقابل سیرت حضرت فاطمہ زہراؑ کی پیروی کے ذریعے ہم اپنے مسلم معاشرے کو بےراہ روی اور فساد سے بچا سکتے ہیں،جناب سیدہ ؑ کی ذات با برکت ہرمیدان میں ہماری لیئے مشعل راہ ہے ۔
