اسرائیل کو بڑا دھچکا، اسرائیلی اسمبلی کو تحلیل کردیا گیا

شیعیت نیوز : غاصب صیہونی ریاست اسرائیل کو بڑا دھچکا لگا ہے اور نیتن یاہو حکومت کی ناکامی کے بعد اسرائیلی اسمبلی تحلیل کردی گئی ہے۔

تفصیلات کے مطابق اسرائیل میں بجٹ منظوری کی ناکامی کے بعد پارلیمنٹ تحلیل کر دی گئی، جس کے بعد عام انتخابات آئندہ سال مارچ میں کرائے جانے کا امکان ہے۔

یہ خبر بھی پڑھیں نئے کورونا کے آگے برطانیہ پست، ٹونی بلیئر نے پیش کی نئی تجویز

اسرائیلی وزیراعظم بنجمن نیتن یاہو کی مخلوط حکومت کو گذشتہ رات 12 بجے تک پارلیمنٹ سے بجٹ بل پاس کرانا تھاجس میں ناکامی پر پارلیمان تحلیل ہوگئی۔

غیر ملکی خبر رساں ادارے کے مطابق اسرائیلی پارلیمنٹ کے اسپیکر یاریو لیون نے ٹی وی پر پارلیمان کے تحلیل ہونے کا اعلان کرتے ہوئے کہا کہ بہت جلد عام انتخابات کرائے جائیں گے۔

میڈیا رپورٹ کے مطابق بجٹ بل کے حق میں 47 اور مخالفت میں 49 ارکان نے ووٹ دیا جبکہ گذشتہ 2 سالوں میں یہ چوتھی بار ہوا ہے کہ جب اسرائیلی حکومت کو عام انتخابات کا اعلان کرنا پڑا، اسرائیلی قانون کے مطابق پارلیمان کی تحلیل کے 90 روز میں انتخابات کا انعقاد ضروری ہے، جس کے بعد اب مارچ میں انتخابات کرائے جائیں گے۔