یمن: سعودی اتحاد کے 19حملے، یمنی فورسز کا مغربی پہاڑیوں پر مکمل کنٹرول
شیعت نیوز: یمن پر سعودی اتحاد کی جارحیت کا سلسلہ جاری ہے اور گزشتہ 24 گھنٹوں کے دوران جنگ بندی کی خلاف ورزی کرتے ہوئے سعودی اتحاد نے یمن کے مختلف علاقوں پر 19 مرتبہ حملے کئے۔ یمنی فورسز کا صوبہ مآرب کی مغربی پہاڑیوں پر مکمل کنٹرول حاصل کر لیا۔
رپورٹ کے مطابق سعودی جارحین اوراس کے آلہ کاروں نے کل رات الجوف، مأرب، عمران اور حجہ صوبوں پر درجنوں گولے داغے۔
المسیرہ ٹیلی ویژن کی رپورٹ کے مطابق ہونے والے حملوں میں 3 افراد شہید اور متعدد زخمی ہو گئے۔
یہ بھی پڑھیں : یمن میں شکست کے بعد سعودی اتحاد کی نئی سازش کا انکشاف
دوسری طرف یمن کی اسلامی تنظیم انصار اللہ اور یمنی فورسز نے صوبہ مآرب کی مغربی پہاڑیوں پر مکمل کنٹرول حاصل کرتے ہوئے سعودی عرب کے فوجی اتحاد کا اس علاقہ سے صفایا کردیا ہے۔
اطلاعات کے مطابق یمن کی اسلامی تنظیم انصار اللہ کے سیاسی شعبہ کے رکن علی العماد نے کہا ہے کہ یمنی فورسز نے سعودی عرب کے فوجی اتحاد اور یمن کی مستعفی حکومت کے حامی فوجیوں کا مآرب کی مغربی پہاڑیوں اور بلندیوں سے مکمل صفایا کردیا ہے اور اس علاقہ کا کنٹرول اپنے ہاتھ میں لےلیا ہے۔
یہ بھی پڑھیں : ضروری اشیاء کی دستیابی اور فراہمی برقرار رکھنے کے معاملے پر کوئی سمجھوتہ نہیں ہونا چاہیے ،عمران خان
عرب ذرائع کے مطابق سعودی عرب کو یمن میں تاریخی شکست کا سامنا ہے سعودی عرب کی یمن کے نہتے عرب مسلمانوں پر مسلط کردہ ظالمانہ جنگ میں اسے دس ممالک کی حمایت بھی حاصل ہے لیکن اس کے باوجود سعودی عرب یمن میں اپنے اہداف تک پہنچنے میں ناکام ہوگيا ہے۔
واضح رہے کہ سعودی عرب اور اس کے بعض اتحادی ممالک، امریکہ اور دیگر ملکوں کی حمایت سے مارچ دوہزار پندرہ سے یمن پر وحشیانہ حملے کررہے ہیں اس عرصے میں دسیوں ہزار یمنی شہری شہید و زخمی اور دسیوں لاکھ یمنی بے گھر ہوئے ہیں۔
سعودی عرب اپنے تمام تر وحشیانہ حملوں کے باوجود اپنا ایک بھی مقصد اب تک حاصل نہیں کرسکا ۔ پچھلے چند برسوں کے دوران یمن کی فوج اور عوامی رضاکار فورس کی دفاعی طاقت میں غیر معمولی اضافہ ہوا ہے اور محاصرے کے باوجود یمنی فورسز کی دفاعی طاقت میں روز بروز اضافہ ہو رہا ہے۔
