ایم ڈبلیو ایم 5 فروری کو یوم یکجہتی کشمیر بھرپور اندازسے منائے گی، علامہ احمد اقبال رضوی

شیعت نیوز: مجلس وحدت مسلمین پاکستان کے مرکزی ڈپٹی سیکرٹری جنرل علامہ احمد اقبال رضوی نے کہا ہے کہ کشمیر کی آزادی قریب پہنچ چکی ہے۔ بھارت میں علیحدگی پسند تحریکیں غیر معمولی طور پر زور پکڑ رہی ہیں۔وہ دن دور نہیں جب دنیا کے نقشے پر بھارت مختلف ریاستوں میں منقسم نظر آئے گا۔ ایم ڈبلیو ایم 5 فروری کو یوم یکجہتی کشمیر بھرپوراندازسے منائے گی۔تنظیم کے مرکزی سیکرٹریٹ سمیت ضلعی و صوبائی دفاتر میں یکجہتی کشمیر کے عنوان سے تقریبات منعقد کی جائیں گی۔

یہ بھی پڑھیں: امریکہ کا مشرق وسطی کیلئے امن فارمولہ دراصل امن دشمن فارمولہ ہے،صاحبزادہ حامد رضا

انہوں نے کہا کہ مقبوضہ کشمیر کے باسی نہ کبھی پہلے تنہا تھے اور نہ اب تنہا ہیں۔ ہرمشکل گڑی میں پاکستانی قوم نے کشمیریوں کے مسلمانوں کی بھرپور تائید کرتے ہوئے ان کے حقوق کے لیے ہر سطح پر آواز بلند کی ہے۔ کشمیر پاکستان کی شہ رگ ہے کوئی روایتی جملہ نہیں بلکہ وہ حقیقت ہے جسے جھٹلایا نہیں جا سکتا۔ پاکستان کے ہر شہری کا کشمیری عوام سے مضبوط رشتہ ہے جس میں دنیا کی کوئی طاقت دراڑیں نہیں ڈال سکتی۔اپنے ظالمانہ ہتھکنڈوں سے آزادی کی تحریک کو کچلنے کی بھارتی سوچ سوائے خام خیالی کے اور کچھ نہیں۔

یہ بھی پڑھیں: شہید امجد صابری اور امام بارگاہ پر حملے میں ملوث کالعدم سپاہ صحابہ کےدہشگردوں کی شناخت

ان کا کہنا تھا کہ آج پورے ہندوستان کی سا لمیت لامحدود خطرات میں جھکڑی ہوئی ہے جس کا بنیادی سبب ہندوستانی وزیر اعظم موودی کی غیر دانشمندانہ و غیر جمہوری اقدامات ہیں۔بھارت کی موجودہ حکومت کے مخالف ملک کے اقلیتی طبقات ہی نہیں بلکہ ہندوں بھی بھارتی حکومت کی پالیسیوں سے سخت نالاں ہیں۔بھارتی وزیر اعظم اپنی خجالت چھپانے کے لیے منفی حربے اختیار کر رہے ہیں۔موجودہ صورتحال میں پاکستان کو کشمیری عوام کی آزادی کے لیے ٹھوس اور جرات مندانہ موقف اختیار کرنے کی ضرورت ہے۔

یہ بھی پڑھیں: جی بی کے عوام ماضی کی طرح اس نئے آرڈر کو بھی مسترد کر دینگے، شیخ نیئر عباس مصطفوی

انہوں نے کہا کہ آزاد ریاستوں کی خارجہ پالیسی کسی گومگوں یا مصلحتوں کا شکار ہونے کی بجائے دو ٹوک ہوتی ہے۔مسئلہ کشمیر کے حوالے سے پاکستان جس اصولی موقف پر قیام پاکستان کے وقت کھڑا تھا آج بھی اسی اٹل حقیقت پر قائم رہنے کی ضرورت ہے۔مسئلہ کشمیر کو کشمیری عوام کے امنگوں کے مطابق حل کرنے کے علاوہ کسی دوسرے آپشن کی قطعاَََ کوئی گنجائش نہیں ہے۔انہوں نے کہا کہ حکومت پاکستان اقوام متحدہ کی قراردادوں کے مطابق اس مسئلے کے حل پر زور دے۔