شیعہ جماعتوں کا شھید قاسم سلیمانی کا چہلم 9 فروری کو نشتر پارک میں منعقد کرنے کا اعلان

شیعت نیوز : شیعہ جماعتوں کے رہنماؤں نے شھید قاسم سلیمانی و دیگر شھدائے مدافع حرم کا چہلم 9 فروری کو نشتر پارک میں منعقد کرنے کا اعلان کرتے ہوئے کہا کہ شہدائے مدافع حرم کے چہلم کا عظیم الشان اجتماع عالمی سامراجی طاقتوں کی موت ثابت ہوگا ۔

اطلاعات کے مطابق پاکستان کی شیعہ جماعتوں کے رہنماؤں نے کراچی کے علاقے سولجر بازار عزا خانۂ زہراء( سلام علیہا) پر مشترکہ پریس کانفرنس سے خطاب کرت ہوئے مجلس وحدت مسلمین پاکستان کے مرکزی ڈپٹی سیکریٹری جنرل علامہ سید احمد اقبال رضوی،آئی ایس او کراچی کے صدر محمد عباس، شیعہ علماءکونسل کراچی کے صدر علامہ کامران عابدی، مرکزی تنظیم عزا کے رہنماء شہزاد رضا، جعفریہ الائنس کے رہنماء شبّر رضا،مرکزی تنظیم عزاداری کے ایس ایم نقی، امامیہ آرگنائزیشن کے حسین عباس،ہیئت آئمہ مساجد پاکستان کے رہنماء مولانا محمد حسین رئیسی نے اعلان کیا کہ ملت جعفریہ پاکستان 9 فروری کو نشترپارک میں شہید قاسم سلیمانی، شہید ابو مھدی اور دیگر شھداء کے چہلم پر عظیم الشان اجتماع کا انعقاد کرے گی۔

یہ بھی پڑھیں :کراچی اور اسلام آباد میں 9فروری کو شہید قاسم سلیمانی کے چہلم کے مرکزی اجتماعات کا اعلان

پریس کانفرنس سے خطاب کرتے ہوئے رہنماؤں کا کہنا تھا امریکہ نے عالم اسلام کے عظیم سپہ سالار قاسم سلیمانی اور مجاہد ابومہدی المہندس کو ان کے رفقاء سمیت شھید کر کے سوچا کہ اب سامراجی طاقتوں کے سامنے قیام کرنے والا کوئی نھیں، جبکہ ایران و عراق سمیت پاکستان اور دنیا بھر کے باشعور عوام امریکی جارحیت اور دہشتگردی کے خلاف اٹھ کھڑے ہوئے ہیں۔رہنماؤں کا مزید کہنا تھا کہ 9 فروری کو نشتر پارک میں شھدائے مدافع حرم اہلبیتؑ کے چہلم کی مناسبت سے منعقد ہونے والا عظیم الشان اجتماع پاکستان کے شیعہ و سنی عوام کی جانب سے امریکہ سمیت تمام عالمی سامراجی طاقتوں کی موت ثابت ہوگا۔