زائرین کی ویزہ مشکلات، ایم ڈبلیوایم رہنمااور فوکل پرسن حکومت پنجاب اسدنقوی کاعراقی سفیر کو مراسلہ جاری

شیعت نیوز: مجلس وحدت مسلمین پاکستان کے مرکزی پولیٹیکل سیکریٹری اور فوکل پرسن برائے مذہبی ہم آہنگی حکومت پنجاب سید اسدعباس نقوی نے عراقی سفیر کے نام مراسلہ جاری کردیاہے، جس میں انہوں نے پاکستان میں تعینات عراقی سفیر سے یہ استدعا کی ہے کہ وہ حکومت عراق کو یہ گذارش کرے کہ وہ زائرین امام حسین علیہ السلام کے لئے ویزہ پالیسی میں نرمی لائیں۔

یہ بھی پڑھیں: حکومت پاکستان عراقی حکام سے زائرین کے ویزوں میں درپیش مشکلات کے حل کا مطالبہ کرے ، خالد مقبول صدیقی

انہوں نے مزید کہاکہ جس طرح سے گذشتہ سالوں میں پاکستانی زائرین کے لئے ویزہ پالیسی جس طرح سے پوری دنیا کی جاتی تھی اسی طرح سے امسال بھی یہی طریقہ کار کو اپنایا جائے، ابھی جو نئی ویزا پالیسی آئی ہے، اس کے نتیجے میں ہزاروں زائرین اس مقدس فریضے سے محروم رہیں گے،جہاں پر بہت بڑا مالی نقصان اپنی جگہ پر ہے،لیکن لوگوں کے مذہبی و عقیدتی جذبات مجروح ہونگے،لھذا سفیر محترم سے گذارش ہے کہ وہ اپنی حکومت سے درخواست کرکے ان مسائل کی حل میں اپنا کردار ادا کریں۔