مسلمان کشمیر کی نجات کے لیے ایک دوسرے کا دست و بازو بنیں۔

شیعت نیوز : عظیم شیعہ مرجع تقلید آیت اللہ العظمیٰ ناصر مکارم شیرازی کی طرف سے جموں اور کشمیر کے مظلوم مسلمانوں کی حمایت اور بھارتی حکومت اور فوج کی شدید مذمت کی ہے۔

آیت اللہ العظمیٰ ناصر مکارم شیرازی نے کہا کہ گذشتہ چند دنوں سے ہندوستان پورے کشمیر پر قبضہ کرنے کے درپے ہے۔ بھارت اس حسین خطے کو اپنے کنٹرول میں لینے کی کوشش کررہا ہے۔ کاش بھارتی حکومت سفارتی راستہ اختیار کرتی لیکن اس نے طاقت کے راستے کو ترجیح دی اور وہاں بہت زیادہ فوج بھیج کر کشمیریوں کی ایک بڑی تعداد کو خاک و خون میں ملا دیا یا انہیں گرفتار کرلیا ہے۔

کشمیر ایک سر سبز علاقہ ہے۔ کشمیر میں سیر و سیاحت کی متعدد جگہیں ہیں۔ کشمیر کئی سالوں سے دو ریاستوں میں تقسیم ہوچکا ہے۔ ایک ریاست پاکستان جبکہ دوسری ریاست ہندوستان کے کنٹرول میں ہے۔ کشمیر کی اکثریت مسلمان ہیں۔

مسئلہ کشمیر کا حل صرف سفارت کاری سے ممکن ہے۔ مسلمانان عالم اس مسلم اکثریتی علاقے کو نظرانداز نہ کریں اور اپنے مسلمان بھائیوں کو بھارت کے مظالم سے نجات دلوائیں۔ کیونکہ اس حوالے سے غیر جانبداری دکھانے والے خدا کے ہاں جواب دہ ہوں گے۔

مسئلہ کشمیر کے حوالے سے بین الاقوامی اداروں سے کوئی امید نہیں ہے۔ ان کا مفاد مسلمانوں اور ہندوؤں کے ایک دوسرے کے ہاتھوں قتل ہونے میں ہے۔ مسلمان احساس ذمہ داری کا ثبوت دیں ورنہ اللہ تعالیٰ کی بارگاہ میں ان کے پاس کوئی جواب نہیں ہوگا۔

ناصر مکارم شیرازی (قم المقدس)
19اگست2019