ڈی آئی خان،تکفیری دہشتگردوں کے 7 سہولتکاروں کیخلاف مقدمہ درج، کاروائی شروع

شیعیت نیوز: ڈیرہ اسماعیل خان میں ملک دشمن کالعدم سپاہ صحابہ لشکر جھنگوی کے تکفیری دہشتگردوں کے 7 سہولت کاروں کے خلاف مقدمہ درج کرکے کاروائی شروع کر دی گئی ہے۔ سی ٹی ڈی پولیس نے 2 جون 2018ء کے دہشت گردی کے مقدمے میں مطلوب کالعدم تکفیری دہشت گردتنظیم کے اشتہاری ملزم کو پناہ دینے پر کالعدم تنظیم کے 7 ملزمان کے خلاف مقدمہ درج کر لیا ہے۔ کاؤنٹر ٹیررازم ڈیپارٹمنٹ نے دہشت گردی کے کئی مقدمات میں مطلوب اشتہاری ملزم ثاقب عرف شانی کو پناہ دینے، خوراک اور حالات واقعات کی خبر دینے والے اس کے سہولت کاروں ناظم الدین ولد عمر دین سکنہ محلہ دیوان صاحب شہر، زکریا گنڈہ پور، نواز علی، محمد ایوب، جہانگیر، تنویر، وسیم، عالمگیر راجپوت سکنائے توصیف آباد کے خلاف مقدمہ درج کیا ہے۔ مقدمے میں کہا گیا کہ یہ سہولت کار بھی کالعدم تنظیم کے سرگرم رکن ہیں اور کالعدم سپاہ صحابہ سے تعلق رکھنے والے دہشتگردوں کے معاونین و سہولت کار ہیں۔