کراچی سمیت ملک بھر سے دہشتگردی کا خاتمہ کیا جارہا ہے، آرمی چیف راحیل شریف
شیعت نیوز: کور ہیڈکوارٹرز کراچی میں امن و امان پر بریفنگ سے خطاب میں جنرل راحیل نے ہدایت دی کہ رینجرز اور انٹیلی جنس ادارے قتل کے حالیہ واقعات کے پیچھے کارفرما عناصر بے نقاب کریں، آرمی چیف جنرل راحیل شریف نے کہا ہے کہ کراچی میں عوام اور حکومت کے ساتھ مل کر ہر طرح کے دہشتگرد مافیاز کا خاتمہ کیا جائے گا۔
انہوں نے پاکستان کو دہشتگردی سے پاک کرنے کے عزم کا اظہار کرتے ہوئے کہا کہ آپریشن ضرب عضب ملک سے ہرقسم کی دہشتگردی کے خاتمہ تک جاری رہے گی۔
کور ہیڈکوارٹرز کراچی میں امن و امان پر بریفنگ سے خطاب میں جنرل راحیل نے ہدایت دی کہ رینجرز اور انٹیلی جنس ادارے قتل کے حالیہ واقعات کے پیچھے کارفرما عناصر بے نقاب کریں، انہوں نے یہ بھی ہدایت دی کہ قتل کے حالیہ واقعات کوسامنے رکھتے ہوئے سیکیورٹی ادارے حکمت عملی پرنظرثانی کریں کیوں کہ تشدد کی حالیہ کارروائیاں مخصوص منصوبہ بندی کی نشاندہی کرتی ہیں، جنرل راحیل کا کہنا تھا کراچی میں عوام اور حکومت کے ساتھ مل کرمافیاز کاخاتمہ کیاجائے گا، انہوں نے کہا کہ شہرمیں رینجرز آپریشن عوام اور حالات کی بہتری کیلئے ہے اس سے امن آرہا ہے، راحیل شریف کے مطابق ٹارگٹ کلنگ اور بھتہ خوری کے واقعات میں کمی ہوئی ہے اوریہ بلاتفریق جاری رہے گا۔
