آرمی چیف جنرل راحیل شریف نے 6 دہشتگردوں کی سزائے موت کی توثیق کردی

آرمی چیف جنرل راحیل شریف نے فوجی عدالتوں سے سزا پانے والے 6 دہشت گردوں کی سزائے موت کی توثیق کردی۔

پاک فوج کے شعبہ اطلات عامہ (آئی ایس پی آر) کے مطابق فوجی عدالتوں سے سزائے موت پانے والے 6 دہشت گرد سنگین دہشت گردی کی وارداتوں میں ملوث تھے جب کہ تمام مجرم معصوم انسانوں کو ذبح کرنے، خود کش حملوں اور انسانی جان و مال کو نقصان پہنچانے میں ملوث تھے تاہم آرمی چیف جنرل راحیل شریف نے تمام دہشت گردوں کی سزائے موت کی توثیق کردی۔
ترجمان پاک فوج میجر جنرل عاصم باجوہ کا کہنا ہے کہ فوجی عدالتوں سے سزا پانے والے 6 دہشتگرد فوجی عدالت کے فیصلے کے خلاف اپیلٹ کورٹ سے رجوع کرنے کا حق رکھتے ہیں۔