عرب بادشاہوں کے ذاتی احسانات اتارنے کیلئے ملکی سالمیت داوُ پر لگانے کی اجازت نہیں دینگے:علامہ راجہ ناصر
مجلس وحدت مسلمین پاکستان کے سربراہ علامہ راجہ ناصر عباس جعفری نے اسلام آباد سبزی منڈی بم دھماکے کی شدید مذمت کرتے ہوئے کہا کہ پاکستان میں اس وقت عملی حکومت دہشت گردوں کا ہی ہے دہشت گردوں کیلئے ہر قسم کا تحفظ اور عوام کے لئے یہ ملک مقتل گاہ بنا دیا گیا ہے موجودہ حکمران انہی دہشت گردوں ہی کی مدد سے برسر اقتدار آئے تھے اسلام آباد اور سبی کے واقعے کے بعد دہشت گردوں سے مذاکرات کا کوئی جواز نہیں بنتا پاک فوج کو ایک سوچی سمجھی سازش کے تحت بدنام کیا جارہا ہے جو محب وطن پاکستانیوں کے لئے کسی بھی صورت قابل قبول نہیں علامہ راجہ ناصر عباس کا کہنا تھا کہ پاکستان کی خارجہ پالیسی چند ڈالروں کے عوض عرب ڈکٹیٹروں کے زیر اثرہیں پاکستان کو مشرق وسطیٰ کے دلدل میں پھنسایا جارہا ہے عرب بادشاہوں کے ذاتی احسانات اتارنے کیلئے پاکستان کی سالمیت کو داوُ پر لگانے کی اجازت نہیں دینگے انسانی بنیادی حقوق سے متصادم قوانین آمرانہ سوچ کی عکاسی ہے ایسے قوانین اقتدار کو طول دینے کیلئے بنایا جا رہا ہے پاکستان کے بدترین آمر ضیاء کے پیداوار اب انہی کے ایجنڈے پر عمل پیرا ہے اس نازک دور میں محب وطن قوتوں کا یکجا ہو کر آواز اُٹھانے کی ضرورت ہے تاکہ ان ملک دشمنوں کے مذموم عزائم کو ناکام بنایا جاسکے۔