الیکشن کمیشن آف پاکستان نے مجلس وحدت مسلمین پاکستان کوانتخابی نشان خیمہ الاٹ کر دیا ہے
20 مارچ, 2013 14:14
شیعت نیوز کے نمائندے کے مطابق پاکستان کی بڑی عوامی شیعہ جماعت مجلس وحدت مسلمین کو آئند عام انتخابات میں حصہ لینے کیلئے الیکشن کمیشن آف پاکستان نے انتخابی نشان خیمہ الاٹ کر دیا ہے۔ گذشتہ روز عام انتخابات کے حوالے سے پیپلزپارٹی کے علاوہ ملک کی 145 سیاسی جماعتوں کو الیکشن کمیشن نے انتخابی نشان الاٹ کئے۔واضح رہے کہ ایم ڈبلیو ایم کی جانب سے الیکشن کمیشن آف پاکستان سے انتخابی نشان پنجہ کیلئے استدعا کی گئی تھی۔ تاہم کمیشن نے یہ نشان کسی اور جماعت کو الاٹ کر دیا ہے۔ ایم ڈبلیو ایم کی مرکزی پولیٹیکل کونسل کے رکن ظفر چشتی نے شیعت نیوز کو بتایا ہے کہ پنجہ کا نشان نہ ملنے کی صورت میں ہم نے مثل خیام حسینی ع الیکشن کمیشن سے خیمے کے نشان کی درخواست کی جسے کمیشن نے قبول کر لیا ۔
