وزیرقانون پنجاب کے کالعدم تنظیموں سے رابطے ہیں

سنی علما کونسل پاکستان کے سربراہ صاحبزاہ فضل کریم نے الزام لگایا ہے کہ پنجاب کے وزیر قانون رانا ثنا اللہ کے کالعدم تنظیموں سے رابطہ ہے اسلئے ان کی برطرفی کا مطالبہ کر رہے ہیں

سرگودھا میں جیو نیوز سے خصوصی بات چیت کرتے ہوئے سنی علما کونسل پاکستان کے سربراہ صاحبزاہ فضل کریم نے کہا ہے کہ درگاہوں پر دہشت گردی کے واقعات مسلمان فرقوں کو آپس میں لڑانے کیس سازش ہے۔ سازش کو بے نقاب کرنا حکومت کا کام ہے۔ امریکا اور دہشت گرد پاکستان کو غیر  مستحکم کرنا چاہتے ہیں۔ نومبر سے بری امام اسلام آباد سے داتا دربار تک لانگ مارچ دہشت گردی کے خاتمے کیلئے سنگ میل ثابت ہوگا۔انھوں نے وزیر قانون رانا ثنا اللہ پر الزام لگایا کہ ان کے کالعدم تنظیموں سے روابط ہیں اور ہم نے23 مطالبات پیش کئے ہیں جن میں رانا ثنا اللہ کی برطرفی کا مطالبہ بھی شامل ہے۔