مقبوضہ فلسطین
غزہ کے مظلوم عوام پر مصیبتوں کے پہاڑ
فلسطيني ذرائع کے مطابق مصر اور غزہ کے درميان واقع رفح پاس کي بندش کي وجہ سے شہر ميں ايندھن کي شديد قلت پيدا ہوگئي ہے اور غزہ کا واحد بجلي گھر بند ہونے کے قريب پنہچ گيا ہے۔ اسرائيل نے بھي غزہ ميں داخلے کے راستے کرم ابو سالم پاس کو بند کرديا ہے۔
خبروں ميں کہا گيا ہے کہ بجلي کي سپلائي ميں تعطل کي وجہ سے شہر ميں صحت عامہ کے مراکز اور اسپتالوں ميں زبردست مشکلات کا سامنا کرنا پڑے گا جبکہ صحت و صفائي کا نظام بھي بري طرح متاثر ہوگا۔ سات سال سے جاري محاصرے اور ايندھن کي فراہمي رک جانے کي وجہ سے غزہ کے بجلي گھر ميں کئي بار کام بند ہوچکا ہے۔
اقوام متحدہ کے ذيلي ادارے اوچا کے مطابق غزہ ميں داخلے کے تمام راستے بند ہوجانے اور محاصرے کي وجہ سے شہر کي انساني صورتحال المناک شکل اختيار کرتي جارہي ہے۔ اسرائيل نے دوہزار سات سے غزہ کا مکمل محاصرہ کر رکھا ہے۔