غزہ صہیونی حکومت کے حملوں میں 19 فلسطینی شہید

صہیونی حکومت کی فوج نے گذشتہ چوبیس گھنٹوں میں غزہ پر کئی بار حملے کرکے کم ازکم 19 فلسطینیوں کو شہید کردیا ہے پریس ٹی وی کے مطابق غزہ پر صہیونی فوج کے حملے بدستور جاری ہیں

صہیونی حکومت کے غزہ کے نہتے فلسطینیوں پر یہ حملے ایک ایسے وقت جاری ہیں  جب اقوام متحدہ اور یورپی یونین نے صہیونی حکومت سے کہا ہے کہ وہ نہتے فلسطینیوں پر اپنے حملے بند کردے

دوسری طرف صہیونی حکومت کے صدر شعمون پریز نے اپنے ایک مضحکہ خیز بیان میں کہا ہے کہ غزہ کے عوام پر یہ حملے انسانی حقوق کے دفاع کے لئے ہيں فلسطینی ذرائع کا کہنا ہے کہ غزہ پر صہیونی حکومت کے یہ حملے امریکہ کی براہ راست حمایت کے تحت انجام پارہے ہيں ۔ مبصرین کا کہنا ہے کہ مشرق وسطی میں اسلامی بیداری کی لہر سے خائف یہ صہیونی حکومت سراسیمگی کے عالم میں یہ حملے کررہی ہے اور سعودی عرب کی حکومت جو اسلامی ملک کے دفاع کے بہانے بحرین میں عام شہریوں کا قتل عام کررہی ہے غزہ میں فلسطینی مسلمانوں کے قتل عام پر خاموش تماشائی بنی ہوئی ہے