![](media/k2/itemss/srcc/1b5f7f32bc07dba87d517fa54f333bfe.jpg)
![nabil_alarabi](images/stories/2010/nabil_alarabi.jpg)
مصر نے غزہ پر صہیونی حکومت کے حملے پر تشویش کا اظہار کیا ہے مصرکے وزیر خارجہ نبیل العربی نے عرب سفارتکاروں سے کہا کہ صہیونی حکومت کے اس اقدام کا جائزہ لینے کے لئے ہنگامی اجلاس کریں ذرائع کے مطابق مصری وزیر خارجہ نے بعض عرب ملکوں کے وزراء خارجہ سے ٹیلی فون گفتگو میں صہیونی حکومت کے ان حملوں پر بات چیت
کی مصری وزیر خارجہ نے غزہ پر اسرائیلی جارحیت کی مذمت کرتے ہوئے صورتحال پر اپنی گہری تشویش کا اظہار کیا دوسری طرف مصرکی فوجی حکومتی کونسل کے سربراہ محمد حسن طنطاوی نے صہیونی حکومت کو خبردار کیا ہے وہ مصر کی سرحدی حدود میں کسی بھی طرح کی جارحیت سے باز رہے انہوں نے کہا کہ ہم نے فوج کو حکم دے دیا ہے کہ جو بھی طیارہ مصرکے سرحدی علاقوں میں کسی ہدف کو نشانہ بنائے یا مصر کی فضائی حدود کی خلاف ورزی کرنے کی کوشش کرے اسے مارگرایا جائے ۔ جمعہ کو قاہرہ میں لاکھوں کی تعداد میں مصری شہریوں نے مظاہرہ کے غزہ اسرائیلی حملے کی مذمت کی اور مصری حکومت سے مطالبہ کیا کہ وہ فوری طور پر اسرائيل سے اپنے سفارتی تعلقات منقطع کرلے ۔ مبصرین کا کہنا ہے کہ اسرائیل کے سلسلے ميں مصری حکومت کا یہ تازہ موقف بہت ہی غیر معمولی تبدیلی ہے