لبنان: تکفیری لبنان سمیت پورے خطے کے لئے خطرہ ہیں۔ حزب اللہ
لبنان میں لبنانی افواج پر ہونے والے تکفیری دہشت گردوں کے حملوں کی سخت الفاظ میں مذمت کرتے ہوئے حزب اللہ نے ایک جاری بیان میں کہا ہے کہ تکفیری لبنان سمیت پورے خطے کے لئے خطرہ ہیں جو معصوم انسانوں کا قتل عام کر رہے ہیں۔شیعت نیوز کی مانیٹرنگ ڈیسک کی رپورٹ کے مطابق حزب اللہ لبنان کے مرکزی دفتر سے جاری ایک بیان میں تکفیری دہشت گردو ں کو عالم اسلام اور لبنان سمیت خطے کے لئے خطرہ قرار دیا گیا ہے۔
حزب اللہ لبنان نے لبنانی فوج کے جوانوں کی تکفیری دہشت گردوں کے حملوں میں ہونے والی شہادت کو مظلومانہ شہادت قرار دیتے ہوئے شہداء کے اہل خانہ اور لواحقین سے دلی ہمدردی اور یکجہتی کا اظہار کرتے ہوئے لبنان کی تمام فورسز اور خفیہ اداروں سے مطالبہ کیا ہے کہ لبنانی افواج سمیت لبنانی عوام پر حملے کرنیو الے تکفیری دہشت گردوں کو کسی صورت معافی نہیں ملنی چاہئیے اور ان کی گرفتاری کے لئے تیز ترین اقدامات عمل میں لائے جائیں۔
حزب اللہ کے بیان میں لبنان کے عوام سے اپیل کی گئی ہے کہ وہ تکفیری دہشت گردوں کے مقابلے میں لبنانی افواج اور اداروں کی بھرپور مدد اور تعاون کریں۔
