نئی دھلی میں کتاب کی بین الاقوامی نمائش میں ایران کی شرکت
ہندوستان کے دار الحکومت نئی دھلی میں کتاب کی اکیسویں بین الاقوامی نمائش کا انعقاد ہوا ہے جس میں اسلامی جمہوریۂ ایران سمیت دنیا کے 23 ملکوں سے گیارہ سو کے قریب ناشرین شرکت کر رہے ہیں۔ یہ نمائش کہ جس کا آغاز آج سے نئی دھلی میں ہوا ہے دس فروری تک جاری رہے گی ۔
گیارہ ہزار ہندوستانی اور دنیا کے دیگر ملکوں کے ناشرین نے اپنی کتابیں اور آثار عوام کے سامنے پیش کئے ہیں ۔ اسلامی جمہوریۂ ایران کی ثقافتی نمائشوں کے انسٹی ٹیوٹ نے بھی ایرانی ناشرین کی نمائندگی میں اس نمائش میں 600 سے زائد کتابوں اور سیڈیوں کے ساتھ شرکت کی ہے –ایران کی نمائندگی میں ، کتاب کی اس بین الاقوامی نمائش کے سربراہ محمد خلج نے ارنا کے ساتھ گفتگو میں کہا کہ ایرانی ناشرین نے اس نمائش میں ، ایرانیات ، فارسی ادب ، ثقافتی موضوعات ، مقدس دفاع کے ادب ، مسلط کردہ جنگ اور مذھبی نیز بچوں سے متعلق کتابیں پیش کی ہیں ۔ واضح رہے کہ یہ نمائش ہر دو سال میں ایک مرتبہ ہندوستان کے نیشنل بک ٹرسٹ کی جانب سے لگائی جاتی ہے –