مصر: انتخابات میں اخوان المسلمون کو کالعدم قرار دے دیا گیا
مصری انتظامیہ نے مستقبل قریب میں ہونیو الے مصری انتخابات میں سابق صدر محمد مرسی کی جماعت اخوان المسلمون کو انتخابات میں حصہ لینے پر پابندی عائد کر دی ہے جبکہ اخوان المسلمون کو کالعدم قرار دے دیا گیا ہے۔رپورٹ کے مطابق مسر کی ایک عدالت نے اپنے ایک فیصلے میں کہا ہے کہ مصر کے سابق صدر محمد مرسی اور ان کی جماعت اخوان المسلمون سے تعلق رکھنے والے کسی بھی فرد کو مصر کے آئیندہ انتخابات میں حصہ لینے پر پابندی ہو گی۔
واضح رہے کہ مصری فوج گذشتہ کئی ماہ سے محمد مرسی اور ان کے حامیوں کے خلاف بڑا کریک ڈاؤن جاری رکھے ہوئے ہے تاہم حال ہی میں مصری عدالت نے اخوان المسلمون کو ایک دہشت گرد اور خطر ناک جماعت قرار دیتے ہوئے کالعدم قرار دے دیا ہے اور کسی بھی قسم کی سیاسی سرگرمیوں پر پابندی عائد کر دی گئی ہے۔
قابل غور بات ہے کہ مصری عدالت کی جانب سے پابندی کا اعلان مصری عوام کی جانب سے اخوان المسلمون کے خلاف کئے جانے والے احتجاج اور عدالت میں دائر درخواست کے بعد کیا گیا ہے ، درخواست میں کہا گیا تھا کہ مصر کی اس جماعت اخوان المسلمون کو دہشت گرد قرار دیا جائے اور پابندی عائد کی جائے تاہم مصر کی عدالت نے اپنے فیصلے میں اخوان المسلمون کو دہشت گرد قرار دے کر پابندی عائد کر دی ہے۔
یاد رہے کہ اخوان المسلمون کی شاخیں دنیا بھر میں موجو دہیں جس میں سے پاکستان ، بھارت، بنگلہ دیشن، انڈونیشیا، ملیشیا، اور دیگر ممالک می جماعت اسلامی کے نام سے پہچانا جاتا ہے جبکہ فلسطین میں اخوان المسلمون کی شاخ کا نام حماس ہے۔