بحرین ۳۵ گھروں پر چھاپے/ دو بچوں سمیت ۹ افراد گرفتار
09 جولائی, 2013 09:16
جمعیت الوفاق کی ویب سائٹ کے مطابق بحرین کے عوام نے گزشتہ تین دنوں کے دوران اس ملک کے ۵۲ علاقوں میں پر امن مظاہرے کئے ہیں جبکہ سیکیورٹی دستوں نے ۳۵ گھروں پر چھاپے مار کر معتدد افراد کو گرفتار کیا ہے۔
اطلاعات کے مطابق آل خلیفہ کے مزدوروں نے دو بچوں سمیت ۹ افراد کو گرفتار اور ۵ افراد کو زخمی کیا ہے جبکہ ’’ الدیر‘‘ اور ’’ الدیہ‘‘ کے علاقوں میں بعض گھروں پر حملہ کر کے گھروں کےدروازے توڑے ہیں۔
ادھر ’’ النویدرات‘‘ کے گاوں میں ایک شخص کو شدید شکنجے دیئے جانے کی اطلاع ہے۔
حفاظتی دستوں کی طرف سے جابرانہ اقدامات کے باوجود بحرین کے ۵۲ علاقوں میں پر امن احتجاجی ریلیاں نکالی گئیں جبکہ ۳۴ علاقوں میں حفاظتی دستوں نے مظاہرین کو منتشر کرنے کے لیے زہریلی گیسوں کا استعمال کیا۔
ادھر’’ وادیان‘‘ کے گاوں میں فوجی اہلکاروں نے مسجد امام رضا (ع) پر حملہ کیا اور مسجد کو کافی نقصان پہنچایا۔
