آل خلیفہ حکومت کی سرنگونی کے لیے الٹی گنتی شروع
لندن سے شائع ہونے والے اخبار القدس العربی نے اپنی آج کی اشاعت میں میں لکھا ہے کہ آل خلیفہ حکومت کے خلاف اس ملک کے دارالحکومت سمیت مختلف شہروں میں ہونے والے وسیع مظاہروں کے جاری رہنے کے ساتھ ہی آل خلیفہ کی حکومت کی سرنگونی کے لئے الٹی گنتی کا آغاز ہوگیا ہے ۔ جبکہ آل خلیفہ حکومت کے مغربی حامی سعودی عرب و دیگر عرب ممالک کے ساتھ ملکر اس کوشش میں ہیں کہ مختلف ہتھکنڈوں کو استعمال کرتے ہوئے بحرینی انقلابیوں کو شکست دیدیں ۔بحرین میں مظاہروں کا یہ سلسلہ گذشتہ رات سے شروع ہوا اور پورے بحرین میں پھیل گیا ، مظاہرین اپنے نعروں میں آل خلیفہ حکومت کی سرنگونی کا مطالبہ کررہے تھے مظاہرین نے اپنے ہاتھوں میں بحرین کے پرچم اٹھارکھے تھے اور ان کا کہنا تھا کہ بحرین کے عوام پر تمام تر مصائب ڈھائے جانے کی ذمہ دار آل خلیفہ حکومت ہے۔ ان مظاہروں میں آل خلیفہ ایجنڈوں آنسوگیس کا استعمال کیا اور لوگوں کو منتشر کرنے کے لئے ربڑ کی گولیاں استعمال کیں