بحرين ميں مساجد کي مسماري

بحرين کي نيشنل ڈيموکريٹک پارٹي نے اس ملک ميں مساجد کي مسماري پر اسلامي اداروں خاص طور پر او آئي سي کي خاموشي کي مذمت کي ہے
تقریب نیوز(تنا):بحرين کي نيشنل ڈيموکريٹک پارٹي کے سکريٹري جنرل فاضل عباس نے العالم سے اپني گفتکو ميں کہا کہ آل خليفہ حکومت کے کارندے مسلسل مساجد کو مسمار کررہے ہيں مگر اسلامي اداروں منجملہ او آئي سي کي جانب سے مکمل خاموشي کا مظاہرہ کيا جارہا ہے –

انہوں نے اسي طرح جنيوا ميں اقوام متحدہ کے انساني حقوق کميشن کے اجلاس کا ذکر کرتے ہوئے جس ميں پير کو بحرين ميں انساني حقوق کي خلاف ورزيوں کاجائزہ ليا گيا کہا کہ اس اجلاس کے دوران دنيا کے مختلف ملکوں نے بحرين ميں آل خليفہ حکومت کے ذريعے انساني حقوق کي کھلي پائمالي کي مذمت کي ہے –

بحرين کي نيشنل ڈيموکريٹک پارٹي کے سکريٹري جنرل فاضل عباس نے اس بات کي جانب اشارہ کرتے ہوئے کہ بحرين کے عوام کو اس وقت زباني باتوں سے زيادہ عملي اقدامات کي ضرورت ہے اس اميد کا اظہار کيا کہ جنيوا ميں اقوام متحدہ کے انساني حقوق کميشن کے اجلاس ميں صرف اعلاميہ پر اکتفا نہيں کيا جائے گا ، بلکہ آل خليفہ حکومت کے خلاف عملي اقدامات کي بھي نشاندہي کي جائے گي –

دوسري طرف اس اجلاس ميں بحرين کے انساني حقوق کے وزيرصالح علي عبدالرحمن نے اپنے جھوٹے دعوؤں کے ذريعے يہ باور کرانے کي کوشش کي کہ بحرين ميں اصلاحات کا نفاذ کيا جارہا ہے اور لوگوں کو مراعات دي جارہي ہيں ايک ايسے وقت جب انساني حقوق کميشن کا اجلاس بحرين سے متعلق جاري ہے بحرين ميں انساني حقوق کے سرگرم کارکن عبدالہادي الخواجہ کي جيل ميں بھوک ہڑتال سويں دن ميں داخل ہوگئي –

عبدالہادي خواجہ نے اپنے آپ کو اور ديگر بحريني شہريوں کو مقدمہ چلائے بغير جيلوں ميں قيد رکھے جانے کے خلاف بھوک ہڑتال کررکھي ہے – عبدالہادي خواجہ کو جون دوہزار گيارہ ميں حکومت مخالف مظاہروں ميں شرکت کے الزام ميں عمر قيد کي سزا سنائي گئي ہے جس کے بعد سے وہ جيل ميں ہيں –