جارحین و غاصبین کے ظلم و جبر کا مقابلہ؛ بحرین میں "جیش المہدی” کی تشکیل
13 اپریل, 2011 08:06
عوام کے جائز مطالبات کے سامنے آل خلیفہ کی بے لچک اور تشدد آمیز پالیسی نیز ملک میں آل سعود کی مداخلت بحرین کو خانہ جنگی کی طرف دھکیل رہی ہے۔ تشدد جاری رہنے صورت میں جیش المہدی تشکیل دی جارہی ہے۔بحرینی نوجوانوں کے اس گروہ نے اعلان کیا ہے کہ آل خلیفہ اور آل سعود کا جبر فوری طور پر ختم نہ ہوا تو وہ بحرین میں "جیش المہدی” (حضرت مہدی (عج) کی فوج) کے نام سے مسلح تنظیم تشکیل دیں گے۔
بحرینی عوام کا بھی کہنا ہے کہ آل خلیفہ کے خلاف پر امن احتجاج کا فائدہ یہ ہوا کہ اب بحرینی شہریوں میں سے ہر فرد اپنے گھر میں بیٹھ کر آل سعود اور آل خلیفہ کی فوجوں کے وحشیانہ حملوں اور گرفتار ہونے کا انتظار کرنا پڑرہا ہے۔
گذشتہ ہفتے کے مظاہروں میں بھی بحرینی عوام نے جو پلے کارڈز اٹھا رکھے تھے ان پر لکھا تھا کہ: "اے جارحو! ضیافت ختم ہوگئی ہے فوری طور پر چلے جاؤ” اور یہ کہ "عقلمند کے لئے اشارہ ہی کافی ہے”۔ جس کو بحرینی عوام کی دھمکی سے ہی تعبیر کیا جاسکتا ہے۔
