عراق
عراق: انسداد دہشتگردی کاروائياں جاری
عراق کی وزارت انسانی حقوق کے ترجمان نے کہا ہےکہ دہشتگرد گروہ داعش نے فلوجہ کے عوام کو سپر بنا رکھا ہے۔ فلوجہ مغربی صوبے الانبار میں واقع ہے۔ کامل امین نے فارس نیوزسے گفتگومیں کہا کہ تکفیری دہشتگرد اس علاقے کے عوام کے خلاف انسانیت سوز اقدامات کررہے ہیں جبکہ عراقی فوج نے شہریوں کے حقوق کی حفاظت کے لئے آپریشن شروع کئے ہیں۔ انہوں نے دہشتگردوں کو عوام کے مارے جانے کا ذمہ دار قراردیا۔ اس سے قبل وزیر اعظم نوری مالکی نے کہا تھا کہ صوبہ انبار میں دہشتگردوں کےخلاف جاری کاروائيوں کا مقصد دہشتگردی کی بیخ کنی ہے ۔انہوں نے کہا تھا کہ جو بھی ان فوجی کاروائيوں کی مخالفت کرے گا وہ خائن ہے اور ملک و ملت کے خلاف خیانت کررہا ہے۔ قابل ذکر ہے عراق میں سرگرم عمل دہشتگردوں کو سعودی عرب اورقطر کی حمایت حاصل ہے۔