سید عمار الحکیم کی اقوام متحدہ کے خصوصی نمائندے سے ملاقات
عراق کی مجلس اعلی اسلامی کے سربراہ نے اقوام متحدہ کے سیکریٹری جنرل کے خصوصی نمائندے کے ساتھ ملاقات میں عراق کی آئندہ حکومت میں تمام سیاسی گروہوں کی موجودگي پر تاکید کی ہے۔ السومریہ نیوز کی رپورٹ کے مطابق سید عمار حکیم نے عراق میں اقوام متحدہ کے نمائندے نیکولاي میلادینوف کے ساتھ ملاقات میں عراق کے اہم سیاسی گروہوں کی شراکت کے ساتھ نئی حکومت کی تشکیل کی ضرورت پر تاکید کی ہے۔ عراق کی مجلس اعلی اسلامی کے سربراہ نے ملک کے پارلیمانی انتخابات کے کامیاب انعقاد پر ملت عراق کی قدردانی کی اور کہا کہ عراق میں جمہوریت کی بنیادیں مضبوط ہورہی ہیں۔ عراق میں اقوام متحدہ کے نمائندے نے بھی اس ملاقات میں کہا کہ عراق میں ترقی پیشرفت کے لئے تمام سیاسی گروہوں کا ایک پلیٹ فارم پر ہونا ضروری ہے اور اس حوالے سے مشترکہ کوششیں کی جانی چاہیں۔ عراق کی مجلس اعلی اسلامی کے سربراہ نے بھی پائیدار جمہوریت کے قیام کے لئے اقوام متحدہ کی مدد اور کوششوں کی قدردانی کی۔