حضرت علی(ع) کے حرم مطہرکوتباہ کرنے کے لیے سرنگ کی کھودائی

شہر نجف اشرف سے ملنے والی خبریں اس بات کی عکاسی کرتی ہیں کہ نجف اشرف کی سیکیورٹی فورسز ایک ایسی سرنگ کومنکشف کرنے میں کامیاب ہوئے ہیں کہ جو زمین کے نیچے حرم مطہرحضرت امیرالمومنین علیہ السلام کی طرف بنائی گئی تھی۔

کہا جاتا ہے کہ یہ سرنگ تقریبا ۲۰۰میٹرلمبی تھی یعنی اسے حرم مطہر سے ۲۰۰میٹرکے فاصلے سے کھودنا شروع کیا گیا تھا اورآئندہ چنددنوں کے دوران حرم مطہرکے نیچے پہنچنے والی تھی۔

تحقیقات سے معلوم ہوتا ہے کہ اس سرنگ کوکھودنے والے افراد حرم مطہر کواڑانے کے لیے اس سرنگ سے استفاد کرنا چاہتے تھے اوراس میں بم نصب کرکے حرم مطہر امیرالمومنین علیہ السلام کو اڑا دینا چاہتے تھے۔

قابل ذکرہے کہ ابھی تک اس سرنگ کے کھودنے میں ملوث عناصر کی شناخت نہیں ہوسکی ہے تاہم اس سلسلے میں ابتدائی سراغ لگایا گیا ہے اوراسی کی بنا پر تحقیقات کی جارہی ہیں۔