عراق
شمالی عراق میں دہشتگرد گروہ گرفتار
عراق کی انسداد دہشتگردی فورسز نے ایک دہشتگرد گروہ کے سولہ افراد کو شمالی عراق میں گرفتار کرلیا ہے۔ یہ دہشتگرد ایک چیک پوسٹ پر حملہ کرنے اور متعدد دہشتگردانہ کاروائيوں، کار بم دھماکوں اور شہریوں کے قتل عام میں ملوث ہیں۔ دوسری طرف عراقی سکیوریٹی فورسز نے کرکوک کے جنوب مغربی علاقوں میں دس مفرور مجرموں کو گرفتار کرلیا ہے۔ ادھر بغداد کے مضافاتی علاقے ابوغریب میں کرفیو لگا کر کریک ڈاون جاری رکھا ہے۔ اطلاعات کے مطابق گرین زون میں دہشتگردانہ حملوں کی انٹلجنس رپورٹ ملنے کےبعد عراقی حکومت نے اس زون کو کچھ دنوں کے لئے بند کردیا ہے۔ واضح رہے حالیہ ہفتوں میں عراق میں متعدد دہشتگردانہ کاروائیاں ہوئي ہيں جن میں سیکڑوں افراد جاں بحق اور ہزاروں زحمی ہوئےہیں۔ عراقی ذرائع کا کہنا ہےکہ عراق میں سعودی عرب اور قطر دہشتگردوں کی حمایت کررہے ہیں۔