عراق دعوت افطار پر حملہ، ۳۸ افراد جانبحق

عراق میں ایک پرہجوم کیفے میں ایک خودکش حملہ آور کے حملے اور دیگر مقامات پر ہوئے تشدد کے واقعات میں 47 افراد جاں بحق ہو گئے.

موصولہ رپورٹ میں بتایاگیا ہے کہ کرکوک شہر کے جنوب میں رمضان المبارک کے مقدس مہینے کے دوران لوگ روزہ کھولنے کے لئے افطار کی دعوت میں جمع ہوئے تھے اسی دوران ایک خود کش حملہ آور نے حملہ کیا جس میں 38 افراد جاں بحق اور 29 زخمی ہو گئے.
کرکوک شہر میں پہلی بار کیفے کو نشانہ بنایا گیا. حملے کے بعد تمام کیفے بند کر دیے گئے.
ادھرشمالی بغداد میں مسلح افراد نے مسجد جا رہے پولیس بریگیڈیئر جنرل صابری کو گولی مار دی. دارالحکومت بغداد کے شمال مشرق میں مقدادیہ میں بھی ایک سابق پولیس اہلکار کو اس کے گھر کے باہر گولی مار دی گئی۔

موصل شہر میں بھی ایک خودکش حملہ آور نے پولیس چوکی کو دھماکہ خیز مواد سے لدی گاڑی سے اڑا دیا جس میں 4 پولیس اہلکار ہلاک اور 2 زخمی ہو گئے. جبکہ موصل شہر میں ہی تین الگ – الگ دھماکوں میں تین افراد ہلاک ہو ئے.