مساجد پر حملہ کرنے والے شیعہ سنی سب کے دشمن

براثا خبر رساں ایجنسی کی رپورٹ کے مطابق نوری مالکی نے آج ملک میں بعض علاقوں میں مساجد اور نمازیوں پر حملوں کے بارے میں کہا کہ مساجد پر حملے کرنے والے شیعہ اور سنی مسلمانوں کے دشمن ہیں۔ اور وہ ملک میں قبائلی اختلافات اور فرقہ واریت کو ہوا دینے کے درپے ہیں۔
عراقی وزیر اعظم نے علمائے کرام سے کہا ہے کہ وہ اس سلسلے میں اپنا فرض ادا کریں اور لوگوں کی رہنمائی کرکے اغیار کی سازشوں کو ناکام بنائيں۔ نوری مالکی نے مزید کہا کہ ہم عراق میں اہل تشیع اور اہل سنت کے اتحاد کے خواہاں ہیں اور مختلف فرقوں سے تعلق رکھنے والے مسلمانوں سے اپیل کرتے ہیں کہ وہ ایک مسجد میں اور مل کر نمازیں پڑھا کریں۔