آل سعود اپنے پروردہ دہشتگرد گروہوں سے محفوظ نہیں رہ پائے گی

اسلامی جمہوریہ ایران کی پارلیمنٹ میں قومی سلامتی اور خارجہ پالیسی کمیشن کے رکن محمد حسن آصفری نے کہا ہے کہ آل سعود اپنے پروردہ دہشتگرد گروہوں سے محفوظ نہیں رہ پائے گی۔ محمد حسن آصفری نے پارلیمنٹ کی خبررساں ایجنسی سے گفتگو کے دوران اس بات پر تاکید کرتے ہوئے کہ تکفیریوں کی جانب سے آل سعود کے خلاف خطرے کی گھنٹی بجائی جا چکی ہے کہا کہ تکفیری دہشتگرد کسی ریڈ لائن کے قائل نہیں ہیں اور وہ بہت جلد اپنے اصلی حامی یعنی آل سعود کو اپنے حملوں کا نشانہ بنائیں گے۔ محمد حسن آصفری نے کہا کہ عراق میں دہشتگرد گروہ داعش کی دہشتگردانہ کارروائیوں میں شدت کے ساتھ ساتھ غزہ پٹی پر صیہونی حکومت کے حملوں میں بھی شدت پیدا ہوئي ہے جس سے اس بات کی نشاندہی ہوتی ہے کہ صیہونی حکومت اور داعش کے درمیان ہم آہنگی پائي جاتی ہے۔