امریکہ ایک وعدہ خلاف اور ریا کار حکومت

تہران کی مرکزی نماز جمعہ ہزاروں نمازیوں کی موجودگی میں تھران یونیورسٹی میں آیت اللہ سید احمد خاتمی کی امامت میں ادا کی گئی۔
خطیب نماز جمعہ تھران نے امریکی حکومت کو اسلامی جمہوریہ ایران کے مقابلے میں ایک وعدہ خلاف و ریا کار حکومت قرار دیا۔
خطیب نماز جمعہ تھران نے ایران کے حوالے سے امریکہ کے دوہرے رویوں کی طرف اشارہ کیا اور کہا کہ امریکی حکام نے ایسی حالت میں اعلان کیا کہ ایران کے ساتھ مذاکرات کا خیر مقدم کرتے ہیں کہ امریکی صدر نے حال ہی میں صہیونی حکومت کے وزیر اعظم کے ساتھ ملاقات میں دعوی کیا کہ پابندیوں کی وجہ سے ایران مذاکرات کی میز پر آیا ہے۔
خطیب نماز جمعہ تھران آیت اللہ سید احمد خاتمی نے ایران کے خلاف فوجی آپشن اور دیگر تمام آپشن کے میز پر موجود ہونے پر مبنی امریکی صدر کے بیان کی طرف اشارہ کرتے ہوئے کہا کہ ملت ایران بھی امریکہ اور مغربی دنیا کے مقابلے میں تمام آپشن میز پر رکھتی ہے اور اس کی واضح مثال ایران کے خلاف عراق کی بعثی حکومت کی مسلط کردہ آٹھ سالہ جنگ کے دوران ملت ایران کا مقدس دفاع ہے، جس میں اسلامی ایران کی سرزمین پر حملہ کرنے والوں کی شکست کا مشاہدہ کیا جاسکتا ہے۔
خطیب نماز جمعہ تھران نے اس بات کا ذکر کرتے ہوئے کہ انقلاب اسلامی کی کامیابی کے زمانے سے لیکر آج تک ملت ایران کے خلاف مختلف سازشوں میں امریکہ کا کردار نمایاں ہے کہا کہ ” مردہ باد امریکہ ” کا نعرہ ملت ایران کی مزاحمت کی علامت ہے اور جب تک امریکہ کی سازشی پالیسیاں جاری ہیں، یہ نعرہ بھی ملت ایران کے درمیان موجود رہے گا اور امریکہ سے ملت ایران کی نفرت ختم نہیں ہوگی۔
خطیب نماز جمعہ تھران آیت اللہ سید احمد خاتمی نے خدا پر یقین، عوام کی طاقت، ولایت فقیہ کی تقویت، عدل و انصاف اور ایران کے اندر باہمی یکجہتی کے اجزاء کی طرف اشارہ کرتے ہوئے وضاحت کی کہ داخلی استحکام ، دشمنوں کے مقابلے میں ایران کا قیمتی ترین ہتھیار ہے اور اس کے ذریعے ہی سے دشمنوں کی تمام تر سازشوں کا مقابلہ کیا جاسکتا ہے۔
خطیب نماز جمعہ تھران نے اسی طرح ایران کے خلاف مغرب کی شدید پانبدیوں کے باوجود ایرو اسپیس، جوہری ٹیکنالوجی اور میڈیکل کے شعبے میں ایران کے ماہرین اور نوجوانوں کی ترقی و پیشرفت کی طرف اشارہ کرتے ہوئے رہبر انقلاب اسلامی حضرت آیت اللہ العظمی سید علی خامنہ ای کی تائید و حمایت کے دائرے میں اسلامی جمہوریہ ایران کی خارجہ پالیسی میں نئی سرگرمیوں کے حوالے سے اپنی حمایت کا اعلان بھی کیا۔