سمنان کے صحراؤں میں ایران کے ICBM کے خفیہ اور دستاویزی تجربات: بھاری وارہیڈ لے جانے والے لانچر کے ساتھ سپاہ فضائیہ کے زیر مدار ٹیسٹ
31 جنوری, 2026 13:51
شیعیت نیوز: ایران نے سمنان کے صحراؤں میں اپنے ICBM (انٹرکنٹینینٹل بیلسٹک میزائل) کے خفیہ اور دستاویزی تجربات جاری رکھے ہوئے ہیں۔ یہ فائرنگز بظاہر سیٹلائٹ لانچر اور تحقیقی سرگرمیوں کے نام سے کی جا رہی ہیں، مگر پسِ پردہ شواہد ایک مختلف حقیقت کی طرف اشارہ کرتے ہیں۔
سپاہ پاسداران انقلاب اسلامی کی فضائیہ کے زیر مدار ٹیسٹوں میں ایسے لانچر استعمال کیے گئے ہیں جو بھاری وارہیڈ اٹھانے کی مکمل صلاحیت رکھتے ہیں۔ یہ تجربات گزشتہ ایک ماہ کے دوران شدت اختیار کر گئے ہیں اور ایران کی طویل فاصلے تک مار کرنے والے میزائلوں کی تیاری کا واضح ثبوت ہیں۔
یہ بھی پڑھیں: رہبرِ معظم اسلامی حق کے علمبردار اور اسلام کے حقیقی محافظ ہیں، آیت اللہ سید حمید الحسن تقوی
ایرانی ذرائع اور فوجی تجزیہ کاروں کے مطابق، دشمنوں کی جانب سے کسی بھی جارحانہ اقدام کی صورت میں ایران دوسرے براعظموں میں بھی اپنی طاقت دکھانے کے لیے مکمل طور پر تیار ہے۔ یہ منصوبہ بندی اس بات کی ضمانت ہے کہ ایران اپنی دفاعی صلاحیت کو کسی بھی قیمت پر برقرار رکھے گا اور کسی حملے کا فیصلہ کن جواب دے گا۔
