ایران کا عالمی برادری سے مطالبہ: غزہ میں نسل کشی فوری روکیں

شیعیت نیوز: ایرانی وزارت خارجہ کے ترجمان اسماعیل بقائی نے عالمی برادری سے مطالبہ کیا ہے کہ وہ غزہ میں اسرائیلی حکومت کی نسل کشی روکنے کے لیے فوری اور مؤثر اقدامات کرے۔

سوشل میڈیا پلیٹ فارم ایکس پر جاری بیان میں انہوں نے کہا کہ اسرائیلی فوج نے غزہ شہر میں الشفا اسپتال کے باہر قائم میڈیا ٹینٹ پر جان بوجھ کر فضائی حملہ کیا، جس میں الجزیرہ کے پورے عملے کو شہید کردیا گیا۔ شہید ہونے والوں میں نامور الجزیرہ عربی کے رپورٹر انس الشریف، محمد قارقہ، فوٹوگرافر ابراہیم زاہر اور محمد نوفل شامل تھے۔ اس حملے میں دو دیگر افراد بھی جاں بحق ہوئے۔

یہ بھی پڑھیں : ایران ٹشو ٹرانسپلانٹ مصنوعات میں مکمل خودکفیل؛ خطے کے ترقی یافتہ ممالک میں شامل

ترجمان نے عالمی برادری کو متنبہ کیا کہ ہر شریف انسان کا کم از کم فریضہ ہے کہ ان مظالم کی زبانی مذمت کرے، تاہم اب دنیا کو اس الم ناک نسل کشی کو روکنے اور مجرموں کو کٹہرے میں لانے کے لیے عملی اقدام کرنا ہوگا۔ خاموشی اور بے عملی اسرائیل کے جرائم میں شریک ہونے کے مترادف ہے۔