سپاہ پاسداران خطے کے تمام خطرات کا مکمل ادراک رکھتی ہے، جنرل حسین سلامی
زمینی جنگ کا حتمی فیصلہ طاقت کے توازن سے ہوتا ہے: سپاہ پاسداران کا مؤقف
شیعیت نیوز: سپاہ پاسداران انقلاب اسلامی کے سربراہ میجر جنرل حسین سلامی نے کہا ہے کہ سپاہ پاسداران کے زمینی دستے خطرات اور چیلنجز سے بخوبی آگاہ ہیں۔
جنرل حسین سلامی نے "پیامبر اعظم ۱۹” دفاعی مشقوں کے دوران کہا کہ سپاہ پاسداران کے مختلف دستے خطے کی نئی صورتحال کے ساتھ خود کو ہم آہنگ کر رہے ہیں۔
یہ بھی پڑھیں: صیہونی قیدیوں کی رہائی معاہدے سے مشروط ہے: حماس رہنما اسامہ حمدان
انہوں نے غزہ میں اسرائیلی مظالم کا ذکر کرتے ہوئے کہا کہ اگرچہ غزہ میں دشمن کو فضائی برتری حاصل ہے لیکن زمینی جنگ میں وہ پوری طرح ناکام ہیں۔ غزہ کے عوام محدود ہتھیاروں کے ساتھ دشمن کا ڈٹ کر مقابلہ کر رہے ہیں۔
جنرل سلامی نے مزید کہا کہ اگر صیہونی فورسز فضائی حملوں کے ذریعے جنگ بندی کی خلاف ورزی کر رہی ہیں، اس کے باوجود حزب اللہ کی دفاعی طاقت کمزور نہیں ہوگی۔
انہوں نے کہا کہ کسی بھی جنگ کا حتمی فیصلہ زمینی فوج کی طاقت سے ہوتا ہے اور زمینی جنگ ہی فیصلہ کن کردار ادا کرتی ہے۔
