سیکورٹی فورسز کی اہم کاروائی، خیبرپختونخوا میں لشکر جھنگوی کے 11 دہشتگرد ہلاک
مارے گئے دہشت گردوں کے قبضے سے اسلحہ اور گولہ بارود بھی برآمد ہوا ہے، جو سکیورٹی فورسز کے ساتھ ساتھ معصوم شہریوں کے خلاف دہشت گردی کی کارروائیوں میں سرگرم تھے
شیعیت نیوز : سکیورٹی فورسز نے خیبرپختونخوا کے 3 مختلف اضلاع میں کارروائیاں کرتے ہوئے لشکر جھنگوی کے 11 دہشتگردوں کو جہنم واصل کر دیا۔
خیبرپختونخوا کے ضلع ٹانک میں دہشت گردوں کی موجودگی کی اطلاع پر آپریشن کیا گیا۔
موثر کارروائی کے نتیجے میں 7 دہشت گرد مارے گئے۔
انٹیلی جنس کی بنیاد پر ایک اور کارروائی شمالی وزیرستان کے علاقے دتہ خیل میں کی گئی۔
جہاں سکیورٹی فورسز کے ساتھ شدید فائرنگ کے تبادلے میں 2 دہشت گرد ہلاک ہو گئے۔
اسی طرح فورسز کی تیسری کارروائی ضلع مہمند کے علاقے مامد گٹ میں کی گئی۔
یہ بھی پڑھیں : تحریر الشام کے ظلم کے باعث ہزاروں شیعہ خاندانوں کی شام سے لبنان کی طرف ہجرت
جہاں شدید جھڑپ کے بعد 2 دہشت گرد مارے گئے۔
مارے گئے دہشت گردوں کے قبضے سے اسلحہ اور گولہ بارود بھی برآمد ہوا ہے۔
جو سکیورٹی فورسز کے ساتھ ساتھ معصوم شہریوں کے خلاف دہشت گردی کی کارروائیوں میں سرگرم تھے۔
علاقے میں موجود کسی ممکنہ دہشت گرد کو ختم کرنے کے لیے کلیئرنس آپریشن جاری ہے۔
پاکستان کی سکیورٹی فورسز ملک سے دہشت گردی کی لعنت کو ختم کرنے کے لیے پرعزم ہیں۔
واضح رہے کہ 13 دسمبر کو آئی ایس پی آر نے بتایا تھا کہ سکیورٹی فورسز کی جانب سے خیبرپختونخوا اور بلوچستان کے مختلف اضلاع میں گزشتہ 5 روز کے دوران کیے گئے آپریشن کے دوران 43 دہشت گرد مارے گئے تھے۔
