شیعہ اور سنی اسلام کے دو مضبوط بازو ہیں، علامہ شیخ محمد حسن جعفری
علامہ شیخ محمد حسن جعفری نے کہا کہ شیعہ اور سنی اسلام کے دو مظبوط بازو ہیں، فتنہ خوارج اور فتنہ تکفیریت نے بہت کوشش کی کہ شیعہ و شنی کو آپس میں لڑوایا جائے لیکن وہ ناکام رہے

شیعیت نیوز : علامہ شیخ محمد حسن جعفری نے خطاب کرتے ہوئے کہا کہ پاکستان کی سالمیت کو دو فتنوں سے خطرہ ہے۔
پاکستان کو دہشتگردی اور تکفیریت کی وجہ سے بہت نقصان ہوا، ان دونوں فتنوں کی کوکھ سے ہمیشہ شدت پسندی اور دھشتگردی نے جنم لیا۔
علامہ شیخ محمد حسن جعفری نے مزید کہا کہ شیعہ اور سنی اسلام کے دو مظبوط بازو ہیں۔
فتنہ خوارج اور فتنہ تکفیریت نے بہت کوشش کی کہ شیعہ و شنی کو آپس میں لڑوایا جائے لیکن وہ ناکام رہے۔
پاکستان میں شیعہ و سنی باہمی محبت اور برادرانہ تعلقات کے ساتھ رہتے ہیں جو کہ فتنہ خوارج اور فتنہ تکفیریت سے برداشت نہیں ہوتا۔
یہ بھی پڑھیں : عوام تیار رہے، زمینوں کے متعلق کچھ بڑا فیصلہ ہونے والا ہے، علامہ سید علی رضوی
تبھی یہ فتنہ آئے روز شیعہ و سنی برادران کے درمیان اختلافات پیدا کرنے کی سازش کرتے رہتے ہیں۔
جسے علماء اور عوام نے مل کر ہمیشہ ناکام بنایا ہے اور انشااللہ آئندہ بھی ناکام بناتے رہیں گے۔
ان کا کہنا تھا کہ ہمیں اطلاعات ہیں کہ شرپسندوں کی جانب سے گلگت میں ایک بڑا اجتماع ہو رہا ہے جس میں وہ نفرت، انتشار اور اختلاف کو پھیلانے کا ارادہ رکھتے ہیں۔
لہذٰا حکومت اس پر توجہ دے اور ان شرپسندوں کو لگام ڈالے اور انکے خلاف سخت تادیبی کاروائی کرے تاکہ یہ پر امن خطہ کسی بھی انتشار اور افراتفری سے پاک رہے۔