انصار اللہ نے اسرائیل کو وارننگ جاری کردی

شیعیت نیوز: یمن کی انصا اللہ نے اسرائیل کو وارننگ جاری کردی۔

 یمنیوں نے اسرائیل کو وارننگ جاری کرتے ہوئے کہا کہ اگر غزہ میں امداد نہ پہنچی تو  بحیرہ احمر میں اسرائیل جانے والے تمام جہازوں کو نشانہ بنائیں گے۔

  فوجی ترجمان نے کہا کہ اگر غزہ کو خوراک اور ادویات نہیں ملتی ہیں تو بحیرہ احمر میں اسرائیلی بندرگاہوں کی طرف جانے والے تمام بحری جہاز، چاہے وہ کسی بھی ملک کے ہوں وہ ہماری مسلح افواج کا ہدف بن جائیں گے۔

یمنی فوج کے ترجمان نے کہا کہ اسرائیل جانے والے تمام بحری جہازوں کے گزرنے پر پابندی کا اعلان کرتے ہیں۔

یہ بھی پڑھیں:انصار اللہ یمن کا صیہونی حکومت کے مستقبل پرحملہ

خیال رہے کہ حالیہ عرصے میں انصار اللہ  کی جانب سے بحیرہ احمر میں اسرائیلی ملکیت والے بحری جہازوں کو روکا گیا ہے تاہم نئی وارننگ میں اسرائیل جانے والے ہر جہاز کو نشانہ بنانے کی دھمکی دی گئی ہے۔

واضح رہے کہ بحیرہ احمر ایک سمندری راستہ ہے جس سے دنیا کا زیادہ تر تیل بھیجا جاتا ہے، یمن اور اس کے بحیرہ احمر کے ساحل پر یمنیوں نے گزشتہ ماہ ایک برطانوی مال بردار بحری جہاز کو بھی اپنے قبضے میں لے لیا تھا جس کا تعلق ایک اسرائیلی کمپنی سے تھا۔