ملائیشیا، جنوبی افریقہ، کولمبیا کی فلسطینیوں کی حمایت

شیعیت نیوز: ملائیشیا، جنوبی افریقہ اور کولمبیا کے ممالک کی جانب سے فیصلہ کن موقف کرتے ہوئے نہتے فلسطینیوں پر اسرائیلی فوج کی جارحیت کی شدید الفاظ میں مذمت کی گئی ہے۔

دوسری طرف ان ممالک نے اسرائیل کے خلاف فلسطینیوں کی ثابت قدمی کو سراہتے ہوئے فلسطینی عوام کی کھل کر حمایت کا اعلان کیا ہے۔

انہوں نے غزہ کی پٹی کے خلاف صیہونی قابض ریاست کی جارحیت کو واضح طور پر مسترد کرنے کا اظہار کیا۔ ان کے رہنماؤں نے حماس کی مذمت کے لیے ’’مغربی دباؤ‘‘ کو مسترد کرنے پر زور دیا۔

ملائیشیا کے وزیر اعظم انور ابراہیم نے کہا کہ ان کا ملک حماس کی مذمت کرنے کے لیے مغربی دباؤ سے اتفاق نہیں کرتا۔ مغربی اور یورپی ممالک نے بارہا ملاقاتوں میں ملائیشیا سے کہا ہے کہ وہ تفصیلات فراہم کیے بغیر حماس کی مذمت کرے مگر ہم ایسا نہیں کریں گے۔

انہوں نے پارلیمنٹ سے خطاب کرتے ہوئے کہا کہ ’’میں نے کہا کہ سیاسی طور پر، ہمارا حماس کے ساتھ تعلق ہے اور یہ پالیسی جاری رہے گی‘‘۔

یہ بھی پڑھیں : اسرائیل کا کوئی مستقبل نہیں اور مکمل آزادی ہمارا مطالبہ ہے، خالد مشعل

انہوں نے کہا کہ ’’اس کے مطابق ہم ان کے دباؤ والے موقف سے متفق نہیں ہیں، کیونکہ حماس نے بھی انتخابات کے ذریعے آزادانہ طور پر غزہ میں (اقتدار) حاصل کیا اور غزہ کے لوگوں نے اسے قیادت کے لیے منتخب کیا۔‘‘

ملائیشیا کے وزیر اعظم انور ابراہیم نے حماس کے سیاسی بیورو کے سربراہ اسماعیل ہنیہ سے فون پر بات کرتے ہوئے زور دیا کہ ملائیشیا نے حماس کی مذمت کا مغربی مطالبہ مسترد کردیا ہے۔

انہوں نے نشاندہی کی کہ وہ ہمارے لوگوں پر حملوں کو روکنے اور غزہ کی پٹی میں انسانی امداد پہنچانے میں کردار ادا کرنے کے لیے خطے اور اس سے باہر کی جماعتوں کے ساتھ بہت سے رابطے اور اقدامات کر رہے ہیں۔

دوسری طرف کولمبیا نے صیہونی جارحیت کے پس منظر میں صہیونی سفیر کو ملک بدر کر دیا۔

آج پیر کو کولمبیا کے وزیر خارجہ الوارو لیوا نے بوگوٹا میں اسرائیلی سفیر سے معافی مانگنے اور ملک چھوڑنے کو کہا ہے۔

درایں اثناء جنوبی افریقہ کے صدر سیرل رامافوسا نے آپریشن "طوفان الاقصیٰ ” کے ایک ہفتے بعد اور غزہ کی پٹی کے مسلسل محاصرے اور پرتشدد بمباری کے درمیان فلسطینی کاز کے لیے اپنی مکمل حمایت کا اظہار کیا۔

رامافوسا نے ایکس پلیٹ فارم پر اپنے اکاؤنٹ پر ایک ویڈیو کلپ پوسٹ کیا جس میں افریقن نیشنل کانگریس کے اجلاس کے دوران انہیں فلسطینی کیفیہ پہنے اور ریاست فلسطین کا جھنڈا اٹھائے ہوئے دکھایا گیا۔

رامافوسا نے ویڈیو کے ساتھ اس جملے کے ساتھ کہا کہ ’’ہم فلسطین کے لوگوں کے ساتھ یکجہتی کا عہد کرتے ہیں آزاد فلسطین‘‘۔