ایرانی صدر کی نیویارک روانہ سے قبل آیت اللہ العظمیٰ خامنہ ای سے ملاقات
شیعیت نیوز: ایران کے صدر آیت اللہ رئیسی نے اقوام متحدہ کی جنرل اسمبلی کے اجلاس میں شرکت کے لیے نیویارک روانہ سے پہلے رہبر معظم انقلاب آیت اللہ العظمیٰ سید علی خامنہ ای سے ملاقات کی۔
ایران کی ریڈیو اینڈ ٹی وی نیوز ایجنسی کے نامہ نگار کے مطابق صدر ابراہیم رئیسی نے اقوام متحدہ کی جنرل اسمبلی میں شرکت کے لیے نیویارک جانے سے قبل آج سہ پہر کو رہبر معظم انقلاب اسلامی حضرت آیت اللہ العظمیٰ خامنہ ای سے ملاقات اور گفتگو کی۔
اس ملاقات میں صدر نے اپنے دورے کے شیڈول کی رپورٹ پیش کی جس پر رہبر معظم انقلاب نے ضروری سفارشات اور ہدایات دیتے ہوئے صدر کی کامیابی کی خواہش کی۔
یہ بھی پڑھیں : تمام جنگوں اور بدامنی کا بنیادی سبب امریکہ ہے، کمانڈر ایڈمرل تنگسیری
دوسری طرف ایران کے صدر آیت اللہ رئیسی اعلیٰ سیاسی وفد کی سربراہی میں اقوام متحدہ کی 78 ویں جنرل اسمبلی میں شرکت کے لیے تہران سے نیویارک کے لیے روانہ ہوئے۔
رپورٹ کے مطابق آیت اللہ سید ابراہیم رئیسی آج (پیر) صبح اقوام متحدہ کی 78ویں جنرل اسمبلی کے اجلاس میں شرکت کے لیے ایک سیاسی وفد کی سربراہی میں نیویارک روانہ ہوا۔
صدر رئیسی کو رہبر معظم کے نمائندے حجت الاسلام قمی، نائب صدر محمد مخبر اور حکومتی وزراء نے ائیرپورٹ پر الوداع کہا۔
صدر رئیسی کے شیڈول میں جنرل اسمبلی سے خطاب، مختلف ممالک کے سربراہان سے سائیڈ لائنز ملاقات اور نیوریاک میں مقیم ایرانیوں سے خطاب شامل ہے۔
آیت اللہ رئیسی امریکہ میں سیاسی، سماجی، مذہبی اور میڈیا ہاوسز اور مختلف شخصیات سے ملاقاتوں میں ایران کے موقف کی وضاحت کریں گے اور سوالات کے جوابات بھی دیں گے۔
واضح رہے کہ اقوام متحدہ کی جنرل اسمبلی کا سالانہ اجلاس ایک اہم بین الاقوامی کانفرنس کے طور پر، بین الاقوامی سیاسی مشاورت کا ایک اچھا پلیٹ فارم ہے جہاں دنیا کے بیشتر ممالک کے اعلیٰ سطحی سربراہان کی موجودگی کے سبب دو طرفہ مکالمے اور گفت و شنید کے مواقع فراہم ہوتے ہیں۔
