فرانسیسی میگزین کی توہین، فسادات کے منصوبے کی ناکامی سے غصے کو ظاہر کرتی ہے، ایران

شیعیت نیوز: ایرانی پارلیمنٹ کے اسپیکر نے کہا ہے کہ فرانسیسی میگزین کی توہین مغرب کی ایران میں فسادات کے منصوبے کی ناکامی سے غصے کو ظاہر کرتی ہے۔

محمد باقر قالیباف نے آج بروز اتوار کو کہا ہے کہ فرانسیسی میگزین کی طرف سے قائد انقلاب کی توہین منطق کی کمی کا نتیجہ ہے اور 1401 کے بدامنی کے منصوبے کی ناکامی پر مغربی محاذ کے غصے کی علامت ہے۔

اسلامی انقلاب کے دشمنوں نے اپنی تمام تر سیاسی، اقتصادی، بین الاقوامی، میڈیا اور سیکورٹی صلاحیتوں کو بروئے کار لاتے ہوئے اس ملک کی اصل بنیاد، انقلاب کے دانشمند اور محبوب قیادت کو اپنے بزدلانہ حملوں کا نشانہ بنایا۔ لیکن ایران کے شریف اور بزرگ لوگوں نے معاشی حالات کی تنگی اور شکایات کے باوجود شہید سلیمانی کے الفاظ میں اسلامی جمہوریہ کے حرم کی حفاظت کی اور اپنے ملک کے دشمنوں کے منصوبے کو ناکام بنا دیا اور اب وہ ناکام ہو چکے ہیں۔ اس منصوبے کے بعد، وہ مایوسی سے توہین کی طرف مڑ گئے۔

انہوں نے مزید کہا کہ ایران کی وزارت خارجہ کے لیے ضروری ہے کہ وہ اختیار کے ساتھ فرانسیسی حکومت کے خلاف اپنے جوابی اقدامات کو جاری رکھے تاکہ ہر کوئی یہ سمجھے کہ انہیں ایرانی عوام کی علامتوں اور قومی عقائد کی توہین کی اجازت نہیں ہے۔

یہ بھی پڑھیں : ایران اور پاکستان کے درمیان مشترکہ فوجی ورکنگ گروپ کے قیام کے لیے پرعزم ہیں، باقری

دوسری جانب ایران کی وزارت خارجہ کے ترجمان ناصر کنعانی نے سماجی رابطے کی ویب سائٹ ٹویئٹر پر ایک پوسٹ میں لکھا کہ فرانس استعماریت، انسانی حقوق اور اندرون و بیرون ملک آزادی اظہار کی خلاف ورزی کی سیاہ تاریخ رکھتے ہوئے کوئی حق نہیں رکھتا کہ آزادی اظہار کے بہانے ڈھٹائی دیکھاتے ہوئے دوسرے ملکوں، اقوام اور الہٰی ادیان کے پیروکاروں کے مقدسات کی توہین کا جواز فراہم کرے۔

ایرانی وزارت خارجہ کے ترجمان نے کہا کہ موجودہ فرانسیسی سیاستدانوں کو بین الاقوامی تعلقات کے واضح اور بنیادی اصولوں پر عمل کرنا چاہیے، یعنی باہمی احترام، دوسروں کے اندرونی معاملات میں عدم مداخلت اور دوسروں کی قومی، دینی اور مذہبی اقدار اور مقدسات کا احترام۔