زاہدان میں دہشت گردی کے جرم کا بدلہ دشمنوں سے لیا جائے گا، سپاہ پاسداران
شیعیت نیوز: سپاہ پاسداران انقلاب اسلامی کی انٹیلی جنس تنظیم نے اس بات پر زور دیا ہے کہ ایران کی قابل فخر قوم بلیک فرائیڈے کے دن زاہدان کے مظلوم شہداء کے پاک خون کا بدلہ دشمنوں سے لیں گے اور مسلح مخالفین، شرپسندوں اور فسادیوں کے بزدلانہ حملے کو لا جواب نہیں چھوڑیں گے۔
سپاہ پاسداران انقلاب اسلامی کے انٹیلی جنس ادارے اپنے ایک بیان میں کہا کہ بلاشبہ ایرانی قوم اور مسلح افواج اس ملک کے عوام اور سپاہیوں کی سلامتی اور جانوں پر حملے کو لا جواب نہیں چھوڑیں گی۔
اس بیان کے مطابق، ملت ایران اور اسلامی انقلاب کے دشمنوں بالخصوص ظالم اور علیحدگی پسند گروہوں اور ان کے حامیوں کو جان لینا چاہیے کہ اسلامی ایران کے فرزندان انقلاب اور اس کی کامیابیوں کے تحفظ میں ایک لمحے کے لیے بھی غافل نہیں ہوئے ہیں اور ان کی کامیابیوں کے ساتھ ہوشیار آنکھوں اور مکمل معلومات والے شرافت نے ان کی تمام سازشوں اور اندھے فتنوں کو روک دیا ہے اور اللہ تعالی کی مدد سے اور ایرانی انٹیلی جنس ادارے کے کارکنوں کے ذریعہ مہلک ضربیں وصول کریں گے۔
یہ بھی پڑھیں : حالیہ سازش میں دشمنوں کی مداخلت کا مقصد ملک کو تنہا کرنا تھا جو ناکام ہوا، صدر رئیسی
دوسری جانب زاہدان میں دہشتگردوں اور شرپسندوں کی فائرنگ سے سپاہ پاسداران کے کمانڈر شہید ہو گئے۔
تسنیم نیوز ایجنسی کی رپورٹ کے مطابق ایران کے صوبہ سیستان و بلوچستان کے مرکزی شہر زاہدان میں کل نماز جمعہ کے بعد مسجد مکی کے قریب دہشت گردوں اور شرپسندوں کی فائرنگ سے سپاہ پاسداران انقلاب اسلامی کے انٹیلی جنس کے صوبائی کمانڈر سیدعلی موسوی شہید ہو گئے۔
سپاہ پاسداران انقلاب اسلامی کی سلمان ونگ نے ایک بیان میں دہشت گردی کا نشانہ بننے والے سپاہ سلمان کے جوانوں کی شہادت پر سخت رد عمل کا اظہار اور کل کے واقعہ کی مذمت کرتے ہوئے کہا ہے کہ دہشت گردوں، شرپسندوں، تفرقہ پھیلانے والے ایجنٹوں اور آلہ کاروں کو دندان شکن جواب دیا جائیگا۔
سپاہ سلمان کے بیان میں آیا ہے کہ کل زاہدان میں نماز جمعہ کے بعد عالمی سامراج سے وابستہ عناصر اور جیش الظلم کے مسلح دہشت گردوں نے کئی تھانوں اور سیکیورٹی کے اداروں پر حملہ کیا اور اندھا دھند فائرنگ کی اور سڑکوں پر رکاوٹیں کھڑی کیں۔ جس کے نتیجے میں کئی عام شہری اور قانون نافذ کرنے والے اداروں کے جوان زخمی اور کئی دہشت گرد اورشرپسند عناصر ہلاک ہوئے۔
عینی شاہدوں کا کہنا ہے کہ فائرنگ کے نتیجے میں 19 افراد مارے گئے اور متعدد زخمی ہوئے۔
