شام، الحسکہ کے دیہی علاقوں میں مقامی لوگوں نے امریکی قبضے کے دو قافلوں کو روکا دیا

شیعیت نیوز: تل ذھب‎ اور الصالحیہ دیہات کے مقامی لوگوں نے جمعہ کے روز امریکی قابض افواج کے دو قافلوں کو الحسکہ کے دیہی علاقوں میں روکا اور اسے پیچھے ہٹنے پر مجبور کیا۔

قافلے کئی بکتر بند گاڑیوں اور کیو ایس ڈی ملیشیا کی فوجی گاڑیوں پر مشتمل تھے جنہوں نے دو دیہی علاقوں سے گزر کر قامشلی شہر پہنچنے کی کوشش کی لیکن وہاں موجود لوگوں نے انہیں روک کر پیچھے ہٹنے پر مجبور کر دیا۔

جمعرات کے روز شامی عرب فوج کے اہلکاروں کی مدد سے شہر قامشلی کے دیہی علاقوں میں دمخیہ، ابو ظہیل، حمہ اور القصیر کے دیہاتوں کے لوگوں نے امریکی قبضے کے قافلے کا راستہ روکا اور اسے پسپائی پر مجبور کیا، شامی سرزمین میں قابض افواج کی موجودگی کو مسترد کردیا ۔

یہ بھی پڑھیں : حزب اللہ مزاحمت جاری رکھنے کے نعرے کے ساتھ انتخابات میں اترے گی، الشیخ نعیم قاسم

دوسری جانب صدر بشار الاسد نے جمعہ کو عرب انجینئرز یونین کے ایک وفد کا استقبال کیا جس کی سربراہی سیکرٹری جنرل عادل الحدیثی کر رہے تھے۔

صدر الاسد نے خیالات، پیشہ ورانہ اور تکنیکی تجربات کے تبادلے کے موقع کے طور پر عرب تنظیموں اور فیڈریشنوں کے درمیان مکالمے کی اہمیت پر زور دیا، اور عرب عوام جن مسائل سے دوچار ہیں ان پر تبادلہ خیال کرنے اور ایسے حل تجویز کرنے کے لیے ایک پلیٹ فارم کے طور پر جو ان سے نمٹنے میں معاون ثابت ہو سکتے ہیں۔

صدر الاسد نے کہا کہ یہ تنظیمیں عرب عوام کی حقیقی نبض کا اظہار کرتی ہیں اور عرب عوامی ہم آہنگی کے حصول میں ان کا اہم سیاسی اور سماجی کردار ہے۔

صدر نے مزید کہا کہ تنظیموں اور یونینوں کے کام میں اہم نکتہ ان کی پیش کش کے ذریعے اقتصادی اور تکنیکی منصوبوں اور نظریات کو یکجا کرنا ہے جو عرب ممالک اور عوام کے مفادات پر مبنی اسٹریٹجک وژن بننے کے لیے مشترکہ عرب معیشتوں کے قیام کی بنیاد بناتے ہیں۔

وفد کے ارکان نے بین عرب سرمایہ کاری کی اہمیت اور عرب عوام کی صورتحال کو بہتر بنانے میں ان کے عظیم اثر پر زور دیا، اور ان سرمایہ کاری کے حصول اور ان کی راہ میں حائل رکاوٹوں کو دور کرنے میں یونینوں کے کردار پر زور دیا۔ اس بات پر غور کرتے ہوئے کہ ان سرمایہ کاری کو سب سے پہلے شام میں دہشت گردی کے نتیجے میں تباہ ہونے والی عمارتوں کی تعمیر نو میں حصہ لینے کی طرف لے جانا چاہیے۔