ہمارے اوپر گرنے والا ہر بم امریکی ہے، محمد علی الحوثی

شیعیت نیوز: یمنی سپریم پولیٹیکل کونسل کے سینئر محمد علی الحوثی کا کہنا ہے کہ یمن کے عوام کو لگنے والی ہر گولی، راکٹ اور بم امریکی ہے، امریکہ شیطان اور دشمن ہے جو ہمارا دشمن رہے گا۔

یمنی سپریم پولیٹیکل کونسل کے سینئر رکن محمد علی الحوثی نے کہا کہ ہر گولی، راکٹ اور بم جو یمنی عوام پر گرتا ہے وہ امریکی ہے، امریکہ شیطان اور دشمن ہےجوہمیشہ ہمارا دشمن رہے گا۔

انہوں نے مزید کہا کہ امریکہ ہمارا اور فلسطینیوں کا دشمن ہے، یہ امریکہ ہے جس نے ہمارے ملک پر حملہ کیا ہے، امریکہ یمن کے خلاف جنگ اور جارحیت کی بنیاد میں پہلا پارٹنر ہے۔

انھوں نے کہا کہ سعودی اتحاد کے کرائے کے فوجیوں کا مقدر تاریخ کے کوڑے دان میں جانا ہے۔

الحوثی نے کہا کہ امریکہ جارحیت کرنے والوں اور ہمارے ملک کا محاصرہ کرنے والوں کا ساتھی ہے،ہمارے ملک میں جاری تباہی کے پیچھے امریکہ ہے اور وہی مارتا اور تباہ کرتا ہےاس لیے کہ متحدہ عرب امارات اور سعودی عرب امریکہ کے بغیر کچھ نہیں کر سکتے۔

یہ بھی پڑھیں : شام کے بحران کے حل نہ ہونے کے ذمہ دار مغربی ممالک ہیں، فیصل المقداد

انھوں نے کہا کہ سعودی عرب کے پاس کاغذی ہوائی جہاز بنانے کی بھی صلاحیت نہیں، F-15 اور F-16 طیاروں کو بنانے کی تو بات ہی نہیں۔

یمن کی سپریم پولیٹیکل کونسل کے سینئر رکن نے مزید کہاکہ امریکہ آزادی اور جمہوریت کا دعویٰ کرتا ہےجبکہ اس نے نیوز سائٹس اور نیٹ ورکس جیسے المسیرہ اور دیگر سائٹس کو بلاک کر رکھا ہے۔

الحوثی نے زور دے کر کہا وہ ہمارے جہازوں کو الحدیدہ کی بندرگاہ تک پہنچنے سے کیوں روکتے ہیں اور صنعا کے ہوائی اڈے کو بند کر کے مالیاتی کاروبار میں مشکلات کیوں پیدا کرتے ہیں؟

الحوثی نے امریکہ کو مخاطب قرار دیتے ہوئے کہ ہم پر لگائی گئی کسی بھی پابندی کا ہم پر کوئی اثر نہیں ہوتا اور وہ بے کار ہیں۔

انھوں نےمزید کہا کہ اگر امریکہ نہ ہوتا تو ہمارے ملک کے خلاف جنگ نہ ہوتی، یہ امریکہ ہی تھا جس نے اپنے سفیر کو یہاں سے بلایا اور دوسرے سفیروں کو صنعاء چھوڑنے کا مطالبہ کیا،امریکہ سات سال سے یمنیوں کو مار رہا ہے اور انفراسٹرکچر تباہ کر رہا ہےجبکہ امریکہ کی حمایت کے بغیر جارح ممالک کچھ نہیں کر پاتے۔