افغانستان کے دارالحکومت کابل میں قائم مقام وزیر دفاع پر جان لیوا حملہ
شیعیت نیوز: افغانستان کے دارالحکومت کابل میں قائم مقام وزیر دفاع بسم اللہ محمدی کے گھر کے پاس شدید دھماکہ ہوا۔
فارس نیوز ایجنسی کی رپورٹ کے مطابق دار الحکومت کابل کے مختلف علاقوں میں رات آٹھ بجے مختلف دھماکوں کی آوازیں سنی گئیں۔
رپورٹ میں بتایا گیا کہ کابل کے شیر پور علاقے میں قائم مقام وزیر دفاع بسم اللہ محمدی کے گھر کے پاس ایک شدید دھماکہ ہوا۔
شروعاتی رپورٹ میں بتایا گیا کہ دھماکہ کاربم سے کیا گیا اور سیکورٹی اہلکار واقعے کے بعد محمدی کے اہل خانہ کو نجات دلانے کے لئے روانہ ہوگئے۔
اسی طرح جائے وقوعہ پر کئی چھوٹے بڑے دھماکے کی خبر موصول ہوئی ہے۔
ایک سینئر عہدیدار کا کہنا ہے کہ دھماکے کے وقت بسم اللہ محمدی گھر پر نہیں تھے اور کوئی جانی نقصان نہیں ہوا۔
افغان اسپیشل فورس کے جوان جائے وقوعہ پر پہنچ گئے اور انہوں نے سرچ آپریشن شروع کر دیا ہے۔ اب تک دو سے تین حملہ آوروں کو گرفتار کیا جا چکا ہے۔
یہ بھی پڑھیں : عید مباہلہ کا دن صادقین کی فتح اور اسلام کی سرافرازی و سربلندی کا دن ہے
دوسری جانب افغانستان کیے قائم مقام وزیر دفاع کے گھر پر حملے کی ذمہ داری طالبان نے قبول کرلی ہے۔
نیوز ایجنسی آوا پریس نے کے مطابق افغانستان کے قائم مقام وزیر دفاع بسم اللہ خان محمدی کے گھر پر گزشتہ شب ہونے والے حملے میں آٹھ افراد ہلاک اور بیس زخمی ہوگئے تھے۔
طالبان نے اعتراف کیا ہے کہ عبوری وزیر دفاع کے گھر پر حملہ انہوں نے کیا ہے۔
دریں اثناء افغان پارلیمنٹ کے بعض ارکان اور سیاسی کارکنوں نے ملک کی موجودہ صورتحال کو امریکہ اور طالبان کے درمیان کسی خفیہ معاہدے کا نتیجہ قرار دیا ہے۔
ان افراد کا کہنا ہے کہ افغانستان میں امریکہ کی بیس سالہ موجودگی کے نتیجے میں دہشت گرد گروہوں کی تعداد میں اضافہ ہوا ہے اور یہ تعداد ایگ گروہ سے بڑھ کر بیس تک پہنچ گئی ہے جس میں داعش جیسا خونخوار گروہ بھی شامل ہے۔
