ایم ڈبلیوایم کے وفد کی وزیر قانون پنجاب سے ملاقات، عزاداروں پر مقدمات کے فوری خاتمے کا مطالبہ

شیعیت نیوز: مجلس وحدت مسلمین پنجاب کے صوبائی سیکرٹری جنرل علامہ عبد الخالق اسدی، مرکزی سیکرٹری سیاسیات و فوکل پرسن برائے مذہبی ہم آہنگی حکومت پنجاب سید اسد عباس نقوی، ممبر صوبائی اسمبلی سیدہ زہرا نقوی اور علامہ محمد اقبال کامرانی پر مشتمل اعلیٰ سطح وفد نے پنجاب کے وزیر قانون راجہ بشارت سے ملاقات کی اور انہیں پنجاب میں عزاداروں کے خلاف درج ہونے والے مقدمات پراپنی تشویش سے آگاہ کیا۔

یہ بھی پڑھیں: تعزیتی ریفرنس” بیاد سید سلمان مجتبیٰ نقوی (مرحوم) “کا آرٹس کونسل آف پاکستان میں انعقاد،سیاسی وسماجی شخصیات کی شرکت

وفد نے کہا کہ عزاداری ہماری عبادت ہے۔کسی بھی قانون کے تحت عبادات پر پابندی نہیں لگائی جا سکتی۔پنجاب کے بعض اضلاع میں متعصب پولیس افسران کے ایماء پر ملت تشیع کو مسلسل نشانہ بنایا جا رہا ہے۔ریاستی اداروں کا اپنے اختیارات سے تجاوز قانون و انصاف کی پامالی ہے۔عزاداری کی بنیاد پر مقدمات کا اندراج غیر منصفانہ اقدام ہےجو کسی صورت قابل قبول نہیں۔انہوں نے پنجاب میں عزاداروں کے خلاف قائم مقدمات کو فوری طور پر ختم کرنے کا مطالبہ کیا۔

یہ بھی پڑھیں: صافر آئل فیلڈ کو نشانہ بنایا تو آرامکو آئل ریفائنری کو تہس نہس کردیا جائے گا، یمن

صوبائی وزیر قانون راجہ بشارت نے یقین دہانی کراتے ہوئے کہا کہ قانون وانصاف کی بالادستی پر کوئی آنچ نہیں آنے دی جائے گی۔ملک میں بسنے والے ہر فردکو اپنے عقیدے کے مطابق آزادانہ زندگی گزارنے کا حق حاصل ہے۔ مجلس وحدت مسلمین کے وفد کے تحفظات دور کرنے کے لیے مناسب اقدامات کیے جائیں گے۔