عمران خان کے نئے پاکستان میں بھی زائرین کی مشکلات برقرار ، تفتان سے کوئٹہ پیدل مارچ

شیعت نیوز: عمران خان اور تحریک انصاف کے نئے پاکستان میں بھی زائرین امام حسین ؑکی مشکلات کم نا ہوسکیں ، ایران اور عراق سے زیارات کی ادائیگی کے بعد واپس آنے والے زائرین شدید مشکلات سے دوچار ہیں۔یہ زائرین تفتان سے کوئٹہ کیلئے کانوائے روانہ نا ہونے کے باعث کئی روز سے تفتان میں محصور ہو چکے تھے۔ کئی روز انتظار کرنے اور صبر کا پیمانہ لبریز ہوجانے کے بعد آج ان زائرین نے کوئٹہ کی جانب پیدل سفر شروع کر دیا ہے۔

زائرین کے ایک سالار حاجی امداد علی کے مطابق زائرین نے کئی روز تفتان میں کانوائے کا انتظار کیا، مایوس ہو کر آج کوئٹہ کیلئے پیدل روانہ ہو گئے ہیں اور کوئٹہ کی جانب پیدل مارچ کرنے والوں میں خواتین، چھوٹے بچے اور بزرگ بھی شامل ہیں۔ حاجی امداد علی کا کہنا تھا کہ زائرین صبح سے دس کلومیٹر فاصلہ طے کر چکے ہیں، کانوائے نہ ہونے کی وجہ سے پاسپورٹ اور گاڑیاں بارڈر پر چھوڑ کر پیدل کوئٹہ جارہے ہیں۔

یہ بھی پڑھیں: تفتان بارڈر، ایک مرتبہ پھرزائرین امام حسین ؑگزشتہ 5روز سےبے یارومددگار

زائرین نے حکام سے مطالبہ کیا ہے کہ جلد از جلد کانوائے کا انتظام کیا جائے اور انہیں مناسب طریقے سے کوئٹہ پہنچایا جائے۔ واضح رہے کہ ان زائرین میں کئی افراد ایسے شامل ہیں کہ جنہوں نے محرم الحرام کے اندر اپنی اپنی امام بارگاہوں اور عزا خانوں میں اپنی ذمہ داریاں ادا کرنی ہیں۔