تحریک انصاراللہ کی بڑی کامیابی، آبنائے المندب میں سعودی عرب کی تیل کی تجارت کے راستہ پر قبضہ

سعودی عرب اوراُس کی اتحادی افواج ایک ہفتے سے یمن میں تحریک انصاراللہ کیخلاف فضائی حملے کررہی ہے لیکن اس کے باوجود تحریک انصاراللہ کے مجاہدین بحیرہ احمر کے اہم ترین علاقے تک پہنچ گئے ہیں۔ غیر ملکی خبررساں ایجنسی کے مطابق تحریک انصاراللہ کے مجاہدین نے آبنائے المندب کے تنگ ترین اہم تجارتی راستے تک رسائی حاصل کرلی ہے اور آخری اطلاعات کے مطابق وہ ملٹری بیس میں داخل ہونے میں کامیاب ہوگئے ہیں۔ دوسری طرف یمن کے ساحلی شہرحدیدہ میں واقع ڈیری فیکٹری کے پر بمباری کے نتیجے میں شہادتوں کی تعداد 37 ہوگئی ہے جن میں بیشتر مزدور ہیں۔ غیر ملکی خبر رساں ایجنسی کے مطابق یہ فیکٹری تحریک انصاراللہ کے مجاہدین کے عسکری کیمپ کے قریب واقع تھی جبکہ حملے میں ایک فیول ڈپو بھی تباہ ہوگیا۔