راولپنڈی، امام بارگاہوں کو نذرآتش کرنے کی ذمہ دار تکفیریوں کی سرپرست پنجاب حکومت ہے، علامہ ناصر عباس جعفری

شیعت نیوز (اسلام آباد) مجلس وحدت مسلمین پاکستان کے مرکزی سیکریٹری جنرل علامہ راجہ ناصر عباس جعفری نے کہا ہے کہ پنجاب حکومت راولپنڈی میں ملک دشمن کالعدم تنظیم کے دہشت گردوں کی جانب سے ٹائراں والی امام بارگاہ اور قرآن مجید کو نذرآتش کرنے کی شدید مذمت کرتے ہیں۔ ان خیالات کا اظہار انہوں نے وحدت ہاؤس سے میڈیا کو جاری ایک بیان میں کیا۔ علامہ راجہ ناصر عباس جعفری کا کہنا تھا کہ پنجاب حکومت کالعدم دہشت گرد گروہ کی سرپرستی فی الفور بند کرے، دہشت گردوں کی جانب سے مسجد و امام بارگاہوں پر حملوں کے باوجود پولیس کا موقع سے غائب ہوجانا حکومتی سرپرستی کا ثبوت ہے۔ ان کا کہنا تھا کہ امام بارگاہوں پر حملے اور محبت اہل بیت (ع) کی بنیاد پر ملک بھر میں شیعہ قتل عام اس بات کا ثبوت ہے کہ اس ملک پر ابن زیاد صفت لوگ حکمران بنے بیٹھے ہیں، ہم کبھی بھی اپنی ملت کی آواز کو کمزور نہیں ہونے دیں گے اور دنیا کو بتا دیں گے کہ ہم ہر قسم کی قربانی دینے کو تیار ہیں لیکن راہ حسینی (ع) سے ایک انچ بھی قدم پیچھے ہٹنے کیلئے تیار نہیں ہیں،انشاء اللہ وہ دن دور نہیں کہ جب ہم اپنی حیدری طاقت سے عصر حاضر کی تکفیریت کو پاکستان کی سرزمین شکست فاش دیں گے اور لبیک یا حسین (ع) کے نعرے کی عملی تعبیر بن کر وطن عزیز کو تکفیریوں کےمنحوس چنگل سے نجات دلائیں گے۔

علامہ راجہ ناصر عباس جعفری کا کہنا تھا کہ راولپنڈی میں امام بارگاہوں کو نذرآتش کرنے اور امام بارگاہ کے متوکی صادق کی شہادت کی ذمہ دار تکفیریوں کی سرپرست پنجاب حکومت ہے، ملک میں کوئی شیعہ سنی فساد نہیں ہے، یہ فقط ایک کالعدم تکفیری ٹولہ ہے کہ جسے امریکہ و سعودیہ کی سرپرستی حاصل ہے، آج ضروری ہوگیا ہے کہ تکفیری گروہوں ، مدارس، اداروں اور تنظیموں کے خلاف ملک بھر میں آرٹیکل 245 لگا کر فوجی آپریشن کیا جائے تاکہ وطن عزیز کو امریکہ و سعودیہ کے ناپاک عزائم کی بھینٹ چڑھانے والوں سے پاک کیا جاسکے۔ انہوں نے مزید کہا کہ پاکستان کے شیعہ و سنی عوام متحد ہیں اور تکفیریوں کی تمام سازشوں کے خلاف متحد ہوکر میدان میں حاضر ہیں اور اپنے اتحاد سے دہشت گردوں کی تمام سازشوں کو ناکام بنائیں گے۔