داعش کی دھمکیوں کو سنجیدہ لیتے ہوئے ملکی حفاظت کیلئے ٹھوس تدابیر اختیار کی جائیں، مشاہد حسین

سینیٹر مشاہد حسین سید نے کہا ہے کہ داعش نے اعلان کیا ہے کہ شام اور عراق کے بعد اس کا دوسرا ہدف پاکستان اور افغانستان ہے، فارس نیوز ایجنسی کی رپورٹ کے مطابق سینٹ میں مسلم لیگ قاف کے سینیئر رکن سینیٹر مشاہد حسین سید نے خبردار کیا ہے کہ داعش کی دھمکیوں کو سنجیدہ لیا جائے اور ملک کی حفاظت کے لئے ٹھوس تدابیر اختیار کی جائیں۔ اس ملک کی نوجوان نسل کی حفاظت کے لئے کوئی اقدام عمل میں نہيں آيا، اسی بناء پر جوان طبقہ طالبان کے دام ميں گرفتار ہو رہا ہے اور ان میں سے بعض انتہاء پسند گروہوں میں شامل ہوکر منحرف ہوگئے ہيں۔ مشاہد حسین نے کہا کہ پاکستان کے تحفظ کے لئے نوجوان نسل کی مشکلات و مسائل کو حل کیا جائے، تاکہ وہ داعش جیسے دہشت گرد گروہوں کے جال میں نہ پھنسیں۔